[A:286]ཡང་བདེ་བའི་མལ་དུ་མནལ་མི་སྲིད༎
གང་བྱུང་ཅིས་ཀྱང་ཆོག་པའི་གུ་ཡངས་པོ༎
འཆར་ཁའི་སྣང་བས་བསད་པར་ནུས་མ་ཡིན༎
བསླབ་སྦྱང་འབད་པས་རྔོ་ཐོགས་བགྱིས་པའི་ཆོས༎
གྲོག་མཁར་སྦྲང་རྩི་ཇི་བཞིན་ཕྲ་མོའི་ཆད༎
མ་འདྲེས་ཡོངས་སུ་བརྩེགས་པའི་ཐོས་པའི་ནོར༎
དལ་འབྱོར་དོན་ཡོད་བགྱིས་པར་མཚོན་དཔེའོ༎
ཟང་ཟིང་འབྱོར་པས་དབུལ་བའི་བསོད་སྙོམས་པ༎
རྒྱ་ཆེན་ཐོས་པས་ཕྱུག་པའི་མཛོད་ལྡན་བདག༎
རྣམ་ཐོས་ཛམ་ལྷའི་དཔལ་ལའང་མི་སྨོན་པའི༎
འཕགས་ནོར་བདུན་གྱིས་ཡིད་ཀྱི་དབུལ་བ་བསལ༎
འདིར་སྣང་ཡུད་ཙམ་མདང་ནུབ་རྨི་ལམ་བཞིན༎
འཕྲུལ་ཤེས་བདེན་པར་འཛིན་པའི་ཁྲིམས་ཡོད་དམ༎
ཚེ་རབས་སྐྱིད་པའི་ལེགས་སྨོན་དམ་པའི་ཆོས༎
གང་ལའང་ཐོས་པའི་བག་ཆགས་བཞག་འདིའོ༎
ཡང་ཡང་སྲིད་པའི་གནས་འདིར་བདག་འཁྱམས་མོད༎
ཀུན་ཏུ་དགེ་བའི་བཤེས་ལ་བརྟེན་པ་དང༎
ལས་དཀར་ཆོས་ཀྱི་བྱ་བས་མ་ཕོངས་པའི༎
མཚམས་སྦྱོར་བཟང་པོས་ནམ་དུའང་མ་བཏང་ལགས༎
དེང་ནས་བཟུང་ཏེ་བྱང་ཆུབ་བར་དུ་ཡང༎
རྒྱ་ཆེན་ཐོས་པའི་བྱ་བས་མི་ཞུམ་ཞིང༎
ཞི་བའི་དབྱིངས་ལ་ཅི་ནས་མི་སྲེད་པའི༎
ནམ་ཡང་འགྲོ་བའི་དོར་ལ་རྗེས་ཕྱོགས་གྱུར༎
གསོན་ཡང་བྱ་རྒྱུ་བསྟན་དང་སེམས་ཅན་ཆེད༎
གུམ་པར་གྱུར་ཀྱང་ལས་སྨོན་དེ་ཉིད་དེ༎
མདོར་ན་ལུས་ངག་ཡིད་ཀྱི་བགྱི་བའི་ཚོགས༎
བསྟན་དང་སེམས་ཅན་དོན་ཕྱིར་བསྔོ་བ་ཡིན༎
བསྐྱིད་པར་གྱུར་ནའང་དཀོན་མཆོག་ཐུགས་རྗེའི་མཐུས༎
སྡུག་ཀྱང་སྔ་མའི་ལས་མཛད་ཡིད་སྤྲོའི་ངང༎
སྐྱིད་སྡུག་སྔང་བས་ལྷ་ཆོས་མི་འགོག་པ༎
ཡི་དམ་འདི་ལ་ནམ་ཡང་འགྱུར་བ་ཅི༎
དེང་སང་