[A:288]ཤྲཻ་ཡ་སེསྟུ།
འཇམ་མཉེན་མགོན་གྱུར་གྲུབ་པའི་དཔའ་བོ་ནི༎
དཔལ་ལྡན་འགྲོ་ཀུན་རབ་དགའི་སྨིན་གྲོལ་མཆོག༎
ཟབ་ཅིང་རྒྱ་ཆེའི་ཆོས་ཀྱི་འཁོར་ལོ་ཡང༎
བློ་གསལ་རྒྱ་མཚོའི་སྡེ་ཡིས་རྣམ་པར་སྐོར༎
སྲིད་པའི་དཔལ་གྱིས་མྱོས་པའི་དབང་ལྡན་ཀུན༎
རབ་དཀའི་ཆོས་ཀྱི་སྣང་བས་གྲོལ་བ་མཆོག༎
རང་རང་སྐལ་པའི་ཆ་ཤས་གྱུར་པ་ནི༎
བློ་གསལ་རྒྱ་མཚོའི་སྡེ་ཡིས་ཡང་ཡང་སྦྱིན༎
ཀུན་ལ་སྙོམས་པའི་ཡིད་དགའི་ཕན་སེམས་ཙམ༎
རང་གྲོལ་མཆོག་གི་སེམས་ལ་བཞག་བྱས་ཏེ༎
ཕྱོགས་སུ་མ་ཆད་བདེ་བའི་དབུས་གང་དུ༎
ཆོས་སྦྱིན་ཟང་ཟིང་མེད་པའི་ཕན་བདེ་སྤེལ༎
གང་ཡང་གཞན་ལ་རབ་མཁུའི་ཁོང་ཁྲོའི་ཡིད༎
ཡིད་ཀྱི་ཁང་བུ་རང་སྣང་ལ་མཆེལ་དག༎
དག་པའི་སྣང་བ་རྒྱ་ཆེའི་སྐལ་དམན་རྣམས༎
རྣམ་གྲངས་དུ་མའི་སྙིང་རྗེའི་གནས་སུ་མཐོང༎
ཆོས་ཚུལ་ཀུན་སྣང་དྭངས་པའི་ཡིད་ཀྱི་མཚོ༎
མ་འདྲེས་གསལ་བའི་གཟུགས་བརྙན་བྱེ་བ་བརྒྱ༎
འགལ་མེད་དད་མོས་སྣང་བའི་རང་བབས་ནི༎
དཔྱོད་ལྡན་མིག་གི་གཟིགས་མོར་རྣམ་པར་བཀྲ༎
འདི་ན་སྔ་མའི་ལས་འཕྲོ་ལས༎
ཉེ་བར་རྙེད་པའི་དལ་འབྱོར་མཆོག༎
རྣམ་ཀུན་དོན་ཡོད་གྱུར་པ་ཡིས༎
བདག་ཡིད་ལན་བརྒྱར་ཚིམ་པར་གྱུར༎
བཀའ་དྲིན་