[A:290]མས་རྗེས་སུ་འཛིན་པའི་རྟེན་འབྲེལ་དུ་རས་དམར་དྲི་མས་མ་གོས་པ་འོད་ཆགས་འདིར་འདུག་བསམ་པ་བྱུང་ནས་གཟིམས་སྤྱིལ་དཀར་པོར་ཨོཾ་གསུམ་མའི་བཟླས་པ་ཅི་མང་དང། ལྷོ་ན་ཆོས་སྐུ་ནམ་མཁའི་མཚན་ཅན་པ་དཔོན་སློབ་རྣམས་ཀྱང་དུས་དེར་བྱོན་བྱུང་ནས་གྲྭ་པ་རྣམ་པས་ཞལ་སེར་མའི་སྟེང་གི་ད་ལྟའི་མཆོད་རྙིང་འདི་བརྩིགས་ཤིང། བཀའ་ཆོས་ནི་གུའི་ཁྲིད། གྲུབ་ཐོབ་བརྒྱད་ཅུའི་བྱིན་རླབས་རྣམས་བྱས། དེ་དུས་རང་བྱོན་པ་ལྷ་བསྲུངས་རྒྱལ་པོ་བ་ཡང་ཆོས་དེ་རྣམས་ཉན་པའི་ལུགས་བྱེད་ཀྱི་སྣང་བ་ལ། ཁོ་རང་གི་ལོག་ཤེས་ལ་སྔ་སོར་འབྲུག་པའི་སྒར་ལ་ཕྱིན་དུས་གཅུང་རིན་པོ་ཆེའི་དྲུང་དུ་ཕྱག་རྒྱ་ཆེན་པོའི་ངོ་སྤྲོད་ཞུ་དུས་རྟོགས་པ་སྐྱེས་པའི་རློམ་པ་དང། ནི་གུའི་ཁྲིད་ལ་ཡང་འདི་འདྲ་རྣམ་རྟོག་རྒྱུན་འབྲེལ་རང་གི་བསྒོམ་པར་འདུག་ཟེར་ཆས་འདོགས་དང། ཁྱད་པར་གྲུབ་ཆེན་བརྒྱད་ཅུའི་རྣམ་ཐར་ལ་ཡང་ཆས་སྤྱོད་འབའ་ཞིག་གི་བརྗོད་འདོགས་རང་བྱེད་ཀྱི་འདུག་དུས། ཕྱག་དྲུག་པའི་རྗེས་གནང་ཞིག་གི་སྐབས་ངེད་ཀྱི་གསལ་སྣང་ལ་ཏྲཀྴད་ཀྱིས་ཁོའི་མགོ་བཅད་ནས་ཁྱེར་སོང་བའི་སྣང་བ་ཤར་བས། ཁོ་རང་ལ་ཡང་དངོས་ཀྱིས་ཁྱེད་ཀྱི་མགོ་འདི་མི་ལག་ཏུ་མཆོར་ངེས་འདུག་པས་འགྲོ་འགྲོ་མངསvc: མངས?པ་མི་དགའ་ཡང་ཡང་ལབས། ཕྱིས་ནི་དེ་བཞིན་རང་གསལ་མཐོང་དུ་བྱུང། སྐབས་དེར་འཇགས་པ་གདན་ས་པ་ཡང་རྐང་གཏད་ཆོས་ཞུ་ལ་བྱུང་བས་སླར་ནི་གུའི་ཁྲིད་དང། ཁྱད་པར་འཇགས་པ་དཔོན་སློབ་ལ་ཕྱག་ཆེན་གའུ་མའི་ཟབ་ཁྲིད་རང་རེ་རང་གི་ཁྲིད་ཡིག་གི་སྟེང་ནས་བྱས་ཤིང། དེར་བླ་མ་ཁྲོ་བ་དང་བདུད་རྩི་སྦུག་པའི་བླ་མ་ཡང་བྱུང་ས་ལ་ཡང་ནི་གུའི་གསེར་ཆོས་བཞི་ཀ་ཚང་པར་བཤད། ཆོས་དེ་རྣམས་གྲོལ་རྗེས་