[A:304]ཡང་ཡིད་ལ་ཡང་ཡང་བྱུང་ངོ༎
སྟག་ལུང་སྤྲུལ་པའི་སྐུ་ཆེན་པོས་གཙོ་མཛད་སྐུ་མཆེད་རྣམ་གཉིས་དང་ཚོགས་པ་རགས་བསྡུས་ལ་ཡང་དགོན་པའི་རི་ཆོས་སྐོར་དང་བདེ་མཆོག་སྙན་བརྒྱུད་ཀྱི་དབང་ལུང་ཁྲིད་རྣམས་ཕུལ་ཞིང། ལྕང་ལུངvc: i.e. སྤྱང་ལུང་ནས་རྗེ་དབོན་གདན་ས་པ་ཐེག་ཆེན་ཆོས་རྒྱལ་ནས་བརྒྱུད་པའི་ལྕང་ལུང་པ་རང་གི་ཕ་ཆོས་སུ་གྱུར་པའི་ལམ་འབྲས་གསན་པ་ལ་རྐང་གཏད་དཔོན་སློབ་དྲག་བསྡུས་འགའ་ཞིག་བྱོན་བྱུང་པ་ལ། བསྟན་པའི་རྒྱུན་ལ་བསམ་ནས་དཔལ་ལྡན་བླ་མ་དམ་པའི་ཕྱག་བཞེས་ཇི་ལྟ་བ་ལ་ངོར་པའི་འདྲེས་མ་ཤོར་བ་བྱས་པའི་ལམ་རྫོགས་པར་བཤད་དུས། སྟག་ལུང་སྤྲུལ་པའི་སྐུ་ཆེན་པོས་ཀྱང་གསན། དེ་སྐབས་ཟླ་བ་བྱུང་ངོ་ཅོག་གི་ཉེར་དགུ་ལ་དྲུག་ཅུ་པ་རེ་རྒྱུན་ལྡན་ཡོད་པའི་བདུན་པའི་ཉེར་དགུའི་དྲུག་ཅུ་པའི་ནུབ་རྩུབ་འགྱུར་བསམ་གྱིས་མི་ཁྱབ་པ་བྱུང་བ་ཕྱིས་སྐུ་རིམ་དམིགས་སུ་མོན་པའི་དགེ་བལྟས་སུ་མངོན་པ་བྱུང་ཞིང། གཞིས་ཀ་ནས་དངུལ་སྐུའི་སྐུ་འདྲ་དྲན་པའི་གསལ་འདེབས་སུ་མཚན་ཐོགས་པ་དེའི་རབ་གནས་ཀྱང་སྟག་ལུང་རང་དུ་ཞུར་གནས་བྱུང་བ་བཞིན་བསྒྲུབས། སྟག་ལུང་དུ་ཡོད་རིན་ཞབས་དྲུང་སྐྱོར་མོ་ལུང་གིས་འབོད་མི་བྲག་ཁ་ནས་གནང་བ་དང། དེ་བཞིན་དུ་གོང་དཀར། བྲག་དཀར། ཡར་རྒྱབ་སོགས་ཐ་དད་ནས་བསྟུད་མར་བྱུང་ཡང་ཁས་ལེན་ཙམ་ཡང་མེད་པའི་སྣེ་ཆ་རང་ལ་བཞག་རྗེས། ལྷུན་གྲུབ་རྫོང་དུ་སྤྲུལ་པའི་སྐུ་རིན་པོ་ཆེ་རྣམ་པའི་ཡབ་སྡེ་པའི་དྲུང་ལྔ་པའི་གནས་ལ་ཐུགས་དབྱིངས་ཕྱོགས་པའི་སྤྱན་སྔར་ཡུལ་མཆོག་དམ་པའི་བསྐྱེད་རྩ་གནང་བས་མོས་དུངས་ཀྱིས་ཕྱིན་ནས་མཇལ་འཕྲད་དང། དབང་བསྐུར་གྱི་གཤེས་སྐྱེལ་མཚོན་པར་བྱས་ཞག་གསུམ་ཙམ་བསྡད་ནས་སླར་ལོག་པས། དེ་འཕྲལ་