[A:103]gcig gnyis slar ldab pa dang bcas pa'i nyi shu'i bar du dbus gtsang chos kyi chol kha/ mdo stod mi'i chol kha/ mdo smad rta'i chol kha ste/ bod chen po'i chol kha gsum gyi rgyal khams kun la mnga' sgyur cing / khyad par la stod lho byang / gur mo/ chu mig/ shangs dang / zha lu ste gtsang khri drug/ rgya ma/ 'bri gung / tshal pa/ thang po che pa/ phag gru/ g.ya' bzang ste dbus khri drug dbus gtsang gi mtshams su yar 'brog khri bskor gcig ste bod khri bskor bcu gsum gyi nyes la chad pa dang bzang la bya dga' ster ba sogs khrims kyi byed po ni/ sngar smos pa'i dpon chen shAkya bzang po dang / kun dga' bzang po gnyis kyi rjes su zhang btsun dang ban dkar ba gnyis kyis las ka bzung / de rjes byang rin bskos pa so thin si'i dam kha dang / shel dam byung yang shangs kyi sdong mo thang du g.yog gis bsad / de rjes kun gzhon dang gzhon dbang gnyis kyi ring la dbus gtsang gi che gsal chen mo dang khrims kyi zhib cha byas/ de rjes dpon chen byang rdor/ de nas ang len/ 'dis sa skya'i lcags ri phyi ma dang / bon po ri'i lcags ri/ khang gsar gling rnams brtsigs shing / sa 'bri nang 'khrugs pas/ ang len gyis khri bskor bcu gsum gyi dmag 'bri gung du drangs te/ lha khang me la bsregs pa sogs 'bri gung gling log tu grags pa de byas shing / dwags po sogs su dpung khyer byas pa'i sa mtshams kyi brag la ang len gyi ming bris 'dug zer ba sogs dpon chen zhig la drag shul 'di nyid che'o/ /
de'i rjes su gzhon dbang bskyar nas bskos pa lam du grongs/ de nas legs pa dpal/ sengge dpal/ 'od zer seng ge 'dis swon jing dben gyi dam kha bzung / de nas kun rin/ don yod dpal/ yon btsun/ yang 'od zer seng ge rgyal ba bzang po/ rgyal ba bzang po/ dbang phyug dpal/ bsod nams dpal/