[A:9]'dren byed kyi dga' ston gsar pa bskrun te/ rdo rje theg pa'i bgo skal ka lA pa'i grong khyer gyi skye rgur 'gyed pa'i mu mtha' bral ba'i mdzad pa nas bzung 'jigs pa med pa'i gdong lnga'i khri la bgrod byed rtsibs stong 'khor lo'i ri mo mchog tu bkra ba'i chos rgyal rigs ldan sum cu rtsa gsum du byon pa mtha' dag gis phyi nang gzhan gsum sbyor ba'i gsang chen nA da'i sgra dbyangs kyi nor bu'i 'phyang 'phrul las ldan gyi rna bar spud par mdzad pa'i tha ma/ drag po'i 'khor lo can gyis dgung lo dgu bcu rtsa brgyad par kla klo'i dpung tshogs mtha' dag ming gi lhag mar byas nas snga na med pas sa chen po'i khor yug kun tu khyab par mdzad do/ / de yang rigs ldan drag po dgung lo lnga bcu'i steng du kla klo bcom par bzhed pa ltar na/ kla klo'i gnas tshad stong dang brgyad brgyar bshad pa las lo grangs bzhi bcu rtsa bdun tsam mi 'grig pa'i skyon yod cing / de dag rags rtsis su 'chad na zhib rtsis ni 'byung ba'i skabs med pas gzur gnas kyi shes ldan rnams soms shig de ltar sham bha las mtshon te/ o rgyan/ bal yul/ rgya hor sogs su bstan pa byung tshul ni mtha' yas kyang mang gis dogs pas ma spros so/ /
! skabs su babs pa rang cag gangs ris bskor ba'i ljongs 'dir rgyal ba'i 'phrin las kyi 'jug pa shar tshul ni/ de yang zla gzhon lan brgyar bzhus pa'i khu bas byugs pa'i man shel gyi lhun po'i 'phreng ba tshar du dngar ba lta bu'i gangs ri'i 'dab mas khor mo yug tu 'khrigs pa'i yul ljongs 'dir mi'i 'gro ba chags tshul la/ mkhas pa rnams kyi bzhed tshul mtha' klas shing / 'ga' zhig ni rang nyid kyi lugs kho na la zhen pa'i lung rigs kyi dpyad pa med par lugs gzhan dag rnams tshad ldan ma yin pa kho nar smra ba'i gtam gyi 'brug sgras/ chos spong gi rma bya rang dbang