[A:111]po lta bu 'bri gung gi sgom pa yin pas/ de dag gi go rim ni/ sgom pa rdo rje seng ge/ shAkya rin cen/ byang she/ byang chub/ spang ras/ chos seng / rin cen seng ge/ sgom pa dpon po/ sgom pa shAkya dar/ rin cen grags/ ye shes dpal/ 'di grongs pa'i dus si tu rin po che 'bri gung du 'phrad mo la byon/ bkra shis ljongs su rin po che dang mjal/ si tu rin po ches kyang rin cen rdo rje sgom pa che ba la bskos/ kun rin chung ba la bskos na legs pa'i rgyu mtshan phul ba bzhin mdzad/ de nas rin rdor 'das rjes kun rin la gong ma'i lung med na'ang / dbus gtsang swon wi si pa rnams kyis khyon bskos byas/ spyir gdan sa phan tshun gnyis zung 'brel yin pa dang / khyad par sgom pa rang la si tu bka' drin che bar/ slob dpon kun rin gyis sde srid phag mo gru pa la ngan bshoms kyi gra sgrig 'ga' zhig byas pa la brten/ 'bri gung gi srid la phan pa che ba ma byung /
de rjes shAkya bzang pos sgom pa'i las ka bzung / de nas rdzong ji bsod rin dang sku zhang tshul rgyal sogs kyis srid 'dzin pa'i srol byung 'dug na'ang / chos rgyal rin cen dpal bzang gi thog bla dpon sbrags te chos srid kyi lung bzang po yongs su bzung / sras gnyis 'khrungs pa'i chung ba bco lnga rin po che chos srid kyis mngon par mtho ba'i go sar byon/ sras gsum byung ba'i che ba phag mor byon/ 'bring po chos rje kun dga' rin cen gdan sar bzhugs/ 'di'i dus zhal ngo nang mtshams ma mthun pa dang / snga thog 'bri gung pa dang dga' ldan pa gnyis lugs gnyis kyi 'brel zab pa'i mu can du yod na'ang / 'di nyid kyi 'bri gung mnga' 'og na yod pa'i dge lugs kyi dgon pa rnams kyi zhwa bsgyur ba dang / dgon pa gzhan la'ang dpung gyi sbyor ba bshams pa sogs sde 'khrug kho nas dus 'da' bas/ 'bri gung bka' brgyud kyi bstan pa la phan