[A:༡༡༡]པོ་ལྟ་བུ་འབྲི་གུང་གི་སྒོམ་པ་ཡིན་པས། དེ་དག་གི་གོ་རིམ་ནི། སྒོམ་པ་རྡོ་རྗེ་སེང་གེ། ཤཱཀྱ་རིན་ཅེན། བྱང་ཤེ། བྱང་ཆུབ། སྤང་རས། ཆོས་སེང་། རིན་ཅེན་སེང་གེ། སྒོམ་པ་དཔོན་པོ། སྒོམ་པ་ཤཱཀྱ་དར། རིན་ཅེན་གྲགས། ཡེ་ཤེས་དཔལ། འདི་གྲོངས་པའི་དུས་སི་ཏུ་རིན་པོ་ཆེ་འབྲི་གུང་དུ་འཕྲད་མོ་ལ་བྱོན། བཀྲ་ཤིས་ལྗོངས་སུ་རིན་པོ་ཆེ་དང་མཇལ། སི་ཏུ་རིན་པོ་ཆེས་ཀྱང་རིན་ཅེན་རྡོ་རྗེ་སྒོམ་པ་ཆེ་བ་ལ་བསྐོས། ཀུན་རིན་ཆུང་བ་ལ་བསྐོས་ན་ལེགས་པའི་རྒྱུ་མཚན་ཕུལ་བ་བཞིན་མཛད། དེ་ནས་རིན་རྡོར་འདས་རྗེས་ཀུན་རིན་ལ་གོང་མའི་ལུང་མེད་ནའང་། དབུས་གཙང་སྭོན་ཝི་སི་པ་རྣམས་ཀྱིས་ཁྱོན་བསྐོས་བྱས། སྤྱིར་གདན་ས་ཕན་ཚུན་གཉིས་ཟུང་འབྲེལ་ཡིན་པ་དང་། ཁྱད་པར་སྒོམ་པ་རང་ལ་སི་ཏུ་བཀའ་དྲིན་ཆེ་བར། སློབ་དཔོན་ཀུན་རིན་གྱིས་སྡེ་སྲིད་ཕག་མོ་གྲུ་པ་ལ་ངན་བཤོམས་ཀྱི་གྲ་སྒྲིག་འགའ་ཞིག་བྱས་པ་ལ་བརྟེན། འབྲི་གུང་གི་སྲིད་ལ་ཕན་པ་ཆེ་བ་མ་བྱུང་།
དེ་རྗེས་ཤཱཀྱ་བཟང་པོས་སྒོམ་པའི་ལས་ཀ་བཟུང་། དེ་ནས་རྫོང་ཇི་བསོད་རིན་དང་སྐུ་ཞང་ཚུལ་རྒྱལ་སོགས་ཀྱིས་སྲིད་འཛིན་པའི་སྲོལ་བྱུང་འདུག་ནའང་། ཆོས་རྒྱལ་རིན་ཅེན་དཔལ་བཟང་གི་ཐོག་བླ་དཔོན་སྦྲགས་ཏེ་ཆོས་སྲིད་ཀྱི་ལུང་བཟང་པོ་ཡོངས་སུ་བཟུང་། སྲས་གཉིས་འཁྲུངས་པའི་ཆུང་བ་བཅོ་ལྔ་རིན་པོ་ཆེ་ཆོས་སྲིད་ཀྱིས་མངོན་པར་མཐོ་བའི་གོ་སར་བྱོན། སྲས་གསུམ་བྱུང་བའི་ཆེ་བ་ཕག་མོར་བྱོན། འབྲིང་པོ་ཆོས་རྗེ་ཀུན་དགའ་རིན་ཅེན་གདན་སར་བཞུགས། འདིའི་དུས་ཞལ་ངོ་ནང་མཚམས་མ་མཐུན་པ་དང་། སྔ་ཐོག་འབྲི་གུང་པ་དང་དགའ་ལྡན་པ་གཉིས་ལུགས་གཉིས་ཀྱི་འབྲེལ་ཟབ་པའི་མུ་ཅན་དུ་ཡོད་ནའང་། འདི་ཉིད་ཀྱི་འབྲི་གུང་མངའ་འོག་ན་ཡོད་པའི་དགེ་ལུགས་ཀྱི་དགོན་པ་རྣམས་ཀྱི་ཞྭ་བསྒྱུར་བ་དང་། དགོན་པ་གཞན་ལའང་དཔུང་གྱི་སྦྱོར་བ་བཤམས་པ་སོགས་སྡེ་འཁྲུག་ཁོ་ནས་དུས་འདའ་བས། འབྲི་གུང་བཀའ་བརྒྱུད་ཀྱི་བསྟན་པ་ལ་ཕན་