[A:116]byung / chung ba lho byang yongs la mnga' sgyur/ dpa' gtum gyi grags che/ mched gsum gyi rigs las nam mkha'i rgyal mtshan kun dga' rin cen/ bkra shis stobs rgyas dbang po'i sde sogs 'khrungs pa las/ 'di nyid slob dpon chen po'i zab chos kyi bdag por bka' babs so// smras pa/
'od gsal 'chi med lam las babs pa'i 'khon gyi brgyud pa rin po che//
shar phyogs gong ma'i rgyal mtshan rtser mchod chen po'i las ka 'dod rgu'i char//
'dzam gling khyon kun mngon par snyil ba'i mu thi la yi kArNi ka/
rin cen nyams 'gyur phra tshoms kyis mdzes ya rabs mdun sa'i rgyan du spel//
g.yung po'i lugs min rigs rus cho 'brang ldan//
gong ma'i lung 'dzin srid kyis mngon mtho'i mkhar//
rnam dkar zla shel dri med zil mngar can//
bde skyid kunda dga' ba'i grogs su 'dzag/
kha bas bskor ba'i ljongs chen po 'di nyid du dpal dwags po'i bka' brgyud kyi bstan pa nags klung stug po'i dbus su dpag bsam yongs 'du'i ljon pa lta bu ni dpal phag mo gru pa rdo rje rgyal po zhes dbang po