[A:117]tha mal pa rtsod dus kyi gdul bya'i snang ngor rim gyis sbyangs pa'i sar gnas kyi sems dpa'i tshul 'dzin cing / dbang po yang rab la dus gsum gyi sangs rgyas yin par zhal gyis bzhes pa'i snyan grags lha yi rdza rnga sgrub rgyud rnam par rgyal ba'i khang bzang gi rtse mor brdungs pas me tog mda' can lha min gyi tshogs mtha' dag brnag nus las 'das te phun sum tshogs pa'i legs byas kyi bdud rtsir spyod pa la nyer 'tshe'i bsam pa ring du gtong ba'i byed po theg pa chen po'i glang chen sa la rab brtan gyi steng du rnam par 'gying zhing / ye shes 'dren byed stong gis ji lta ji snyed kyi chos mtha' dag rjen par 'char ba kun stong chen phyag rgya gcig gi rgyas thebs pa'i rdo rje rtse brgya pas bdag 'dzin ri bo'i bgrod pa ming gi lhag mar btang ba'i skyes mchog mchod sbyin brgya pa 'di nyid kyi bka' brgyud yin la/
de yang chos srid kyi 'byor pa bla na med pa'i sgo nas yar ldan du spel ba ni rje spyan snga rin po che dang / gong ma ta'i si tu sogs dpal ldan rlangs kyi gdung las rim par byon pa rnams yin pas/ rlangs kyi po ti bse ru las/ lar skyes pa'i mis rang gi skye brgyud ma shes na nags khung gi spre'u dang 'dra/ mi rang gi cho 'brang ma shes na g.yu 'brug zol ma dang 'dra/ yab mes kyi che ge'i yig tshang ma shes na/ mon phrug yal bor dang 'dra zhes dang / skyes pa'i mi la grags pa'i gtam dgos/ byas pa'i chos la grub pa'i mtha' dgos/ che ba'i mi la mtho ba'i rtags dgos zhes gsungs pa ltar/ bod gsil bur ma song ba'i snga rabs kyi dus rje 'bangs mtha' dag rigs rus 'chol bar mi spyod pas khungs dang yig tshang la nan tan du byed pa'i srol 'dug cing / deng sang ni 'di rigs kyi rgyu mtshan mang du smra ba/ sprel rgan rnams kyis mi bzung nas/ / mjug ma med ces bzhad gad byed/ / ces pa'i tshul lta bur 'gro bar