[A:130]thog nas ma lhungs pa kho'i drin yin gsung / sa skyar phebs skabs drung 'khor rnams chang gi dga' ston byed par/ brang khang shar na si tu bad yod par bdag chen pa'i sku gzhogs nas 'bod mkhan bstud mar gnang byung ba la byon pas/ gsol ras gser gyi theb rtse'i nang du gnang chas med par phyag rjen pas bzung chog pa'i dgyes pa'i bka' stsal zhabs gom 'khyor ba tsam yod na'ang thugs rus mdzad de gsol/ bdag chen rin po che mngon mkhyen thogs med mnga' bas/ si tu la/ khyed la khri dpon yong g.yul rgyal slobs gsungs pa sogs ma 'ongs pa mkhyen pa'i gsung mang du mdzad/ de'i rgyu mtshan gyis bka' chems su/ bla ma bdag chen pa'i drung du thugs la dpe med btags pa de nga'i bsod nams chen po yod pa 'di mkhyen par 'dug bsam pa'i dag snang dang mos gus bsam gyis mi khyab pa yod gsung / ston chos thog bla ma mnyam med pa'i drung du brtag gnyis kyi gsan sbyong mdzad skabs/ slob dpon nam blo dang ma 'cham pa'i tshig rtsod kyi gtam bla mas gsan pas/ khyed tsho rlung gis bdas pa'i bye ri yin/ phag gru dpon po srid pas bskos pa'i gangs ri yin gsungs skad/ de nas rta lo'i lo gsar la rin cen sgang du dpon chen rin cen sengge'i rtsar byon pas 'brum pas bsnyung de drag pa dang / 'jad du zla ba gsum bzhi skor bzhugs/ de nas dbus su 'byon khar bdag chen rin po che'i drung du phyag 'bul la byon pas/ bla ma mkhas btsun pa dang / si tu gnyis phyag sbrel nas mkhas btsun pas si tu ba'i mgo gnyer dang / si tus mkhas btsun pa'i zhabs tog tu 'gyur ba byed dgos pa'i gsung nan che ba byon/ de nas dbus su byon te mi ring bar gong ma rgyal pos stag mgo nor bu gsum pa dang bcas khri dpo na gyi las ka gnang / khyi lo zla ba brgyad pa'i nang tshun du rgyal mtshan skyabs kyis khri dpon byas na'ang /