[A:129]mang du blangs te bag med kyi spyod pa byed par brtsams pas/ bdag chen rin po cher 'bul rgyu'i rta la chibs te ma bzhugs par byon pas gzhan rnams kyang phyi la yong dgos pa byung zhing / skabs 'gar gung gi dro 'phyis pas ma gsol ba sogs rab tu byung ba'i bla mar khas 'che ba 'ga' zhig las 'di nyid bslab pa la gus shing / gong dkar bas mi khal la gnod pa byas par ngos kyis byon te bcwa hu bstan nas nga'i 'go khag khyed rnams la yod do zhes sogs kyi na phra mo nas gsung sgam po byon pas 'jigs te gtong len dang bzod gsol byas/ gan pa phur lcang gong gi rgyal pos bar chad brtsam pa sgom bzlas mdzad pas ma tshugs/ de nas rim gyis sa skyar phebs te/ dpon chen 'od zer seng ges ban rtsa byas nas bdag chen rin po cher phag gru'i dpon po 'di slob gnyer byung na rab/ ma byung na bzhi thog pa'i drung 'khor las tshan zhig zhus 'dug pa ltar dam gnyer la bskos nas/ bdag chen pa thugs gtum pas gsol gzims dam gnyer sogs la bka' bkyon 'phral 'phral yong ba zhig 'dug pas/ dgongs pa zhus te rang bzhin las tshan med par bzhugs/ sbrul lo'i dpyid chos la chu mig tu phebs skabs zhabs phyir mtshan nyid kyi bla ma 'jam dpal dang / sngags kyi bla ma kun dbang sogs dge ba'i bshes gnyen gyi rim pa dang / dpon chen dbang phyug dpal/ sang ye dpon po/ ba de lung pa'i dpon po/ stag lung dpon po rnams kyi sdebs khar/ si tu la phag gru dpon por 'bod cing / dpon po rnams kyi nang nas mthong bzos che bar mdzad/ chag chag la khar/ bdag chen rin po che chibs bshol skabs si tu'i chibs 'dzin pa sngon la song nas med pas/ chibs 'drogs te rgyang ring por khyer bas/ rgyal tsha rin dbang gis rta nas babs te rogs byas 'dug pa yar klungs pa'i zhen yin 'dug cing / bka' chems su/ nga rta