[A:138]skabs rdzong chung pa gzungs kyi dpal bas si tu la mngon spyod kyi las mdzad pas mtshan ma khyad par can byung skad/ de nas si tu dbus su byon rjes lha rtse pa dang byang pa 'khrugs/ de la bcwa tshe dang mthun pa'i rtsa ra gtong bar chen pos gtsos pa'i dmag brdzangs pa snyi tshar sleb dus lha rtse nas dpon chen dbang brtson gyi dpung gis sa skya lha khang chen mor bskor ba thos pas dpung rnams snyi tshar nas sa skyar phyin te 'khrugs pas mang du bsad / dpon chen bzung / bzhi brgya skor la khrims lugs byas/ de nas ti shri kun dga' rgyal mtshan/ slob dpon bsod nams blo gros/ g.ya' bzang khri dpon/ tshal pa khri dpon sogs kyis gong sar/ si tus sa skya dmag gis bcom/ khri dpon gzhan rnams la mthar 'ded byas sogs kyi zhu log rim par phul bar brten/ gong ma thugs tshom pa sel ba'i ched du/ drung chen shes rab bkra shis kyis seng ge dkar mo'i pags pa sder bzhi ma nyams pas gtsos pa'i 'bul ba dang bcas gong ma'i sku gzhogs su btang bas/ gdung rabs nas gdung rabs su phan pa'i 'ja' sa dang lung bzang po 'grub/ de ltar 'bri tshal g.ya' bzang sa skya'i dpon chen sogs stobs sbyor dregs pas myos pa'i rgol ba'i klan ka can rnams la/ ce spyang dus min du nga ro'i skad 'byin par/ gdong lnga'i dbang po dgra zlar mi sems pa'i ngang tshul bzhin mdzad kyang / tshur 'gebs kyi byed pa dug sbrul sgong 'khyer gyi snang tshul la brten nas gzhan sde'i mnga' thang thams cad dpung shed kyis bcad nas nub phyogs chu lha'i mthar thug gi bar du bka' rtags kyi phyag rgya btsan pos gser gyi gnya' shing lta bur lci ba'i rgyal khrims kyi 'og tu bcug ste/ nyi 'og gi rgyal phran mtha' dag gis yul srol dang mthun pa'i nor gyi dpya 'bul ba sogs mdor na bsil ldan gangs kyi ra ba dar dkar gyi yol bas bres pa'i khongs su 'khod pa'i skye rgu mtha' dag mi