[A:139]bde ba'i rtsa rkyen gyi byed po kun nga rgyal ba'i gdong pa dmad nas gting sel gtsang bar tshar bcad/ gong dkar/ brag dkar/ sne'u/ 'ol kha stag rtse/ bsam 'grub rtse/ lhun grub rtse/ rin spungs sogs dbus gtsang 'dzin ma'i lte ba'i sa mdud rnams la rdzong chen bcu gsum brtsigs/ pho brang chen po sne gdong rtser rgyal sgo phyi nang gsum du byas pa'i nang ma la nag chang gi khrims bsdams shing / si tu nyid chang dang phyi dro'i kha zas spong ba sogs rab byung gi tshul la gnas pas lha sde dang mi sde kun gyi spyi bo'i cod pan du nor bu dbang gi rgyal po ltar bsten/
de yang sngar dpal ldan sa skya pas bod tsam du ma zad bod chen po'i rgyal khams la mnga' sgyur na'ang / gdung brgyud zhal ngo rnams thugs 'dod kyi 'then phyogs so sor song zhing / dpon chen rnams kyang tig mi chags par spo len mang ba gong ma'i khrims kyang hor gyi shan shor ba'i hang zom sogs la brten/ thang lhod dang mtho dma' ci rigs dang / khyad par hor khrims la mi bsad na srog tshab tu srog gtong bas mtshon pa'i khrims rnams sdig pa'i las shas che bar brten/ bod chos rgyal gong ma'i lugs srol bzang po dge ba bcus gzhi bzung ba 'di nyid/ ta'i si tus gtso bor mdzad par bzhed de/ tshul de nyid sgrub par byed pa la khas zhan rnams yal bar dor zhing / dregs po rengs su bcug pa ma yin pa'i bden rdzun thang mar brdal nas/ dkar nag shan phyed pa'i khrims kyis rgyal khams rgan mo gser khur lta bur bde ba'i ched du/ dpa' bo stag gi zhal lce/ sdar ma wa'i zhal lce/ sne mo las 'dzin gyi zhal lce/ zhu bzhes bden rdzun gyi zhal lce/ bzung bkyigs khrims ra'i zhal lce/ nag can khrag bcor gyi zhal lce/ dran 'dzin chad las kyi zhal lce/ hor 'dra za rkang gi zhal lce/ bsad pa stong gi zhal lce/ rmas pa khrag gi zhal lce/