[A:143]she ba la dge bsnyen gyi sdom pa mnos pa'i mtshan grags pa byang chub tu gsol/ 'jam dbyangs gu shri chen pos gdung brgyud spel ba'i bka' gnang yang ma bzhed par chos rje dpal ldan bla ma'i drung du bsnyen rdzogs kyi sdom pa bzhes/ de nas gdan sa chen po'i go sar bzhugs nas zab rgyas chos kyis skal bzang gi gdul bya smin par mdzad cing / gu shri chen po'i rjes su pho brang sne'u gdong rtse'i khri thog tu byon nas bla dpon sbrags te rgyal srid chos bzhin du bskyangs/ snyigs dus kyi rgyal ba gnyis pa btsong kha pa chen po yang 'di nyid kyi zhabs la gtugs nas mi 'phrog pa'i dad pa tshad med pa 'khrungs te/ mkhas dbang daNDi'i gzhung lugs nas drangs pa'i rtogs brjod dpag bsam lhun por grags pa'i legs par bshad pa'i rtsom pa gnang / spyan snga rin po che yang rgyal ba btsong kha pa chen po'i rmad du byung ba'i mkhyen rab kyis gsung rab rgya mtsho chen po'i pha rol tu byon pa gzigs nas bsngags pa rgya cher mdzad/
'di nyid kyi gcung chos rje bsod nams grags pa dpon mo la 'khrungs/ mkhan chen gzhon dbang pa'i drung du rab tu byung / rtses thang gi gdan sar phebs nas 'chad rtsod rtsom pa'i skyes bzang pos mkhas pa rnams kyi yid yongs su phrogs/ lha sar dge 'dun dpag tu med pa la chos 'khor bskor/ lo chen byang chub rtse mo'i drung du bsnyen par rdzogs pa'i sdom pa bzhes/ pho brang chen po'i khri thog tu phebs nas phan bde'i bsil zer mnga' 'bangs kunda'i snying la brin par mdzad/
sa skyong shAkya rin cen gyis zin rin cen 'dzom zhes pa grongs tshe las dag rnams kyi snang ngor sengge la chibs nas mkha' 'gros spyan drangs pa mthong zhing / tshems la dung g.yas 'khyil byon pa'i rje btsun rdo rje rnal 'byor ma'i