[A:142]gzhon brtson la rab tu byung ba'i mtshan shAkya rgyal mtshan du gsol/ gdan sar brtag gnyis dang / rtses thang du bka' po ti bzhi la bshad pa mdzad pas mkhas pa'i grags pa thob/ bu ston rin po che'i drung du rdo rje theg pa'i rgyud bshad dbang lung mang du gsan pas/ mgon po gdong gi ri man gyis yar klungs kyi zhing re'i khar dkyil 'khor rigs mi 'dra ba re bzhengs kyang kheb par yod ces bu ston chos rjes zhal pho gsungs/ chos rje bla ma dam pa'i drung du bsnyen par rdzogs te lha sar chos 'khor dang / rtses thang gi tshogs pa lo bcu gsum gyi bar du skyong bar mdzad/ mi ring bar pho brang sne'u gdong rtse'i khri thog tu phebs te hor gong ma rgyal pos/ ta'i si tu dang chang gu'i lung / kwa din gu shri las ka dang dam kha gnang / bod chol kha gsum brgyud pa dang bcas pa shes su 'jug pa'i 'ja' sas spur rgyal bod gyi rgyal khams na mngon par mtho/ gtsang phyogs su log par 'khu ba'i kun dkris kyis brnag pa'i sems ldan 'ga' zhig gi steng du dpung gi sbyor ba bshams dus/ chos skyong bya rog gdong can gyi nus pas dmag rnams gtsang po la thogs med du phyin/ phyir phebs nas dpal ldan bla ma dam pa gtso bor bzhugs pa'i dge 'dun khri phrag mang po la zhag bcu sbrel du gya nom pa'i bkur sti mdzad nas chos 'khor btsugs/ mnga' 'bangs thams cad bde skyid kyi dpal la 'khod par mdzad/
dpon rin cen rdo rje zin bkra shis skyid dang / do brag ma rin cen 'tsho gnyis khab tu bzhes pa'i snga ma la rgyal sras grags pa rin cen dang / chos rje chos bzhi pa gnyis las/ chos bzhi pa chung ngu'i dus su mkhan chen seng ge rgyal mtshan gdan drangs pas/ sman bla'i pho brang gi thugs ka nas 'od zer 'phros pa sku lus la thim pa gzigs pa'i lung bstan mdzad/ rgyal sras grags rin pa la brtag gnyis kyi lung zhus te thugs sbyong dang / spyan snga grags