[A:144]rnam par sprul pa de nyid khab tu bzhes pa'i sras mi'i dbang po grags pa rgyal mtshan/ drung byang chub rdo rje/ spyan snga bsod nams bzang po/ spyan snga dpal ldan bzang po/ spyan snga bsod nams rgyal mtshan/ drung sangs rgyas rgyal mtshan rnams sku bltams pa las/
mi'i dbang po grags pa rgyal mtshan ni/ 'jam dbyangs chen po'i sku'i skye ba gsal bar dran zhing / mkhyen rab mchog tu yangs pas klog yig sogs ched gnyer du bslab sbyangs ma dgos par 'bad med du mkhyen/ mkhan po gzhon dbang pa'i drung du rab tu byung / spyan snga grags pa byang chub la chos khrid rnams rdzogs par gsan/ mtshan grags pa rgyal mtshan dpal bzang por gsol/ chos grwa chen po rtses thang gi gdan sar phebs nas rig pa'i dbang phyug chos kyi grags pa'i bstan bcos tshad ma rnam 'grel gsungs pas shin tu phra ba rtog ge'i rig pa la mngon par nga rgyal ba'i mkhas rlom sa srung rnams kyi spobs pa phrogs/ de nas pho brang chen po'i sengge'i khri'i dga' tshal du zhabs zung sA la chen po'i ljon pa rnam par bkod pa'i rdzogs ldan gsar pa'i dri bsung ma la ya'i rlung bzhon gyis bod chen por 'khod pa'i skye rgu kun gyi duH kha'i tsha gdung gi 'jigs pa ming gi lhag mar mdzad nas/ phan pa dang bde ba'i char chen po tha gru kun tu phab/ bkra shis sgo mang gsum gyis thog drangs pa'i thugs dang sku'i rten/ bde bar gshegs pa'i bka' dri ma med pa bod du 'gyur ba'i glegs bam mtha' dag sa le sbram gyi snying po las grub pa tshar gsum gyis thog drangs gsung rten mtha' yas shing / de dag kyang rgyal mkhar rtse'i sde dgon du bka' 'gyur shin tu mang ba char rtsis nas bris pa snang ba lta bu ma yin par rgyu phun sum tshogs pa'i steng du/ bod kyi yi ge mtha' dag