[A:145]gangs khrod pa rnams la bka' drin 'gran zla ma mchis pa thon mi sambho Tas mdzad pa'i sum rtags dang / de dag la brten nas bod kyi mkhas pa'i dbang po rnams kyi yi ge'i brda dag gi bstan bcos mang du snang ba rnams la brten nas sdeb kyi sbyor lugs mtha' dag la zhib mor dpyad/ rgyud 'bum sogs su legs par sbyar ba lha'i skad kyi sngags mtha' dag byA ka ra Na'i don khong du chud pa'i skad gnyis smra ba rnams kyis rang bzhin/ rkyen/ rnam 'gyur gsum la brten nas gtan la phabs pas/ bka' 'gyur de rnams gcig tu bstan pa'i rtsa lag lta bur gyur/ gtsug tor dri ma med pa'i gzungs gser gyis bzhengs pa'i snying po can gyi rten 'bum ther grangs mang ba dang / 'bum ther dgung lo'i grangs lo re bzhin bzhengs pa/ spyan snga rin po che bsod nams rgyal mtshan gyis chos 'byung mig 'byed 'od stong mdzad pa'i lo sa khyi yan la lo nyi shu rtsa gnyis star chags su byung bar gsungs 'dug pas de nas kyang sa phag nas lcag phag gi bar lo bcu gsum gyi ring rgyun mi chad par mngon/ gzhan yang ris su ma chad pa'i grub pa'i mtha' mtha' dag la bsnyen bkur dang / yongs 'dzin rnams la chos kyi gsan pa mdzad pa/ paN chen shAkya shrI'i rgyun 'dzin tshogs sde 'ga' zhig la bstan pa'i rtsa lag mkhan chen thams cad mkhyen pa zhi ba 'tsho'i thugs dam bde gshegs bdun gyi smon lam 'bum phrag mang du bskul ba/ khams gsum chos kyi rgyal po btsong kha pa chen pos srid 'di'i legs byas rnam par dkar ba'i nam mkha'i glang po yongs su 'khrigs pa las byung ba'i 'phral yun kun tu dge legs kyi 'jug pa rgyun mi chad pa'i gru char gyis/ ye shes mchog gi myu gu zad mi shes pa'i zong du bskrun pa'i thabs mkhas kyi sgo 'phar brgya phrag phye ba'i kun mkhyen zas gtsang sras pos cho 'phrul bstan pa'i dus khyad par can chu shel dbang po rta chen dga' ma'i khyim du rtse