[A:146]dgar spyod pa'i zla bar/ bod yul gyi rdo rje gdan lha ldan sprul pa'i gtsug lag khang du smon lam gyi dus ston khyad par can 'dzugs pa mdzad pa'i mthun rkyen yang dag par bsgrubs/ ring mo nyid nas bsod nams kyi tshogs rlabs po che bsags pa'i rten 'brel gyis khri thog tu phebs pa nas bzung ste/ 'jig rten kun tu mu ge dang yams nad sogs med cing mkho dgu'i yo byad la longs spyod pa'i 'dod rgu rmugs 'dzin gyi bang mdzod la rang dbang du spyod pa lta bur gyur/ de yang 'di'i yab sa skyong chen po shAkya rin cen la tho gan thi mur gyis lung gnang nas pho brang chen por khri dpon du phebs shing / tho gan thi mur gyi dus gru tha la gru rgya nag gi yul gru chen po 'ga' zhig tu khral len par btang bas/ de dang rgya'i mi dpon 'ga' zhig gros mthun te shing rta 'khor lo mang du byas pa'i 'og tu dmag dang / steng du rin po che dang gos dar gyi tshogs bzhag ste khral skyel ba ltar byas nas pho brang gi nye logs su 'ongs te dmag gis bskor bas/ rgyal po gsang sgo zhig la bros/ gru tha la grus mang 'bangs thams cad chab 'og tu bcug pa'i sras kyen 'un/ de'i sras yung lo ta ming rgyal po'i dus gser gyi dam kha dang / slar yang shel gyi dam kha/ dbang gi 'ja' sa gnang bas mtshan dbang grags pa rgyal mtshan zhes snyan pa'i rdza rnga skabs gsum pa'i lam du brdungs pas 'jig rten gyi mes po tshangs pas gnam rim pa bcu gsum gyi mthongs nas rin po che'i bum pa dri bzang gi chus gang bas spyi bo nas dbang bskur/ rdzong chen rnams kyi rdzong sdod so so la mi brgyud dang bcas par 'ja' sa'i shel dam gnang / mchog dman gyi skye rgu mtha' dag gong ma chos rgyal chen po zhes gleng ngo / /
nyang stod shar kha ba rgyal rtse rab brtan kun bzang 'phags pas gong ma 'di gnyis kyi gzims dpon gyi las ka bzung zhing / sde srid 'di nyid kyi