[A:༡༤༦]དགར་སྤྱོད་པའི་ཟླ་བར། བོད་ཡུལ་གྱི་རྡོ་རྗེ་གདན་ལྷ་ལྡན་སྤྲུལ་པའི་གཙུག་ལག་ཁང་དུ་སྨོན་ལམ་གྱི་དུས་སྟོན་ཁྱད་པར་ཅན་འཛུགས་པ་མཛད་པའི་མཐུན་རྐྱེན་ཡང་དག་པར་བསྒྲུབས། རིང་མོ་ཉིད་ནས་བསོད་ནམས་ཀྱི་ཚོགས་རླབས་པོ་ཆེ་བསགས་པའི་རྟེན་འབྲེལ་གྱིས་ཁྲི་ཐོག་ཏུ་ཕེབས་པ་ནས་བཟུང་སྟེ། འཇིག་རྟེན་ཀུན་ཏུ་མུ་གེ་དང་ཡམས་ནད་སོགས་མེད་ཅིང་མཁོ་དགུའི་ཡོ་བྱད་ལ་ལོངས་སྤྱོད་པའི་འདོད་རྒུ་རྨུགས་འཛིན་གྱི་བང་མཛོད་ལ་རང་དབང་དུ་སྤྱོད་པ་ལྟ་བུར་གྱུར། དེ་ཡང་འདིའི་ཡབ་ས་སྐྱོང་ཆེན་པོ་ཤཱཀྱ་རིན་ཅེན་ལ་ཐོ་གན་ཐི་མུར་གྱིས་ལུང་གནང་ནས་ཕོ་བྲང་ཆེན་པོར་ཁྲི་དཔོན་དུ་ཕེབས་ཤིང་། ཐོ་གན་ཐི་མུར་གྱི་དུས་གྲུ་ཐ་ལ་གྲུ་རྒྱ་ནག་གི་ཡུལ་གྲུ་ཆེན་པོ་འགའ་ཞིག་ཏུ་ཁྲལ་ལེན་པར་བཏང་བས། དེ་དང་རྒྱའི་མི་དཔོན་འགའ་ཞིག་གྲོས་མཐུན་ཏེ་ཤིང་རྟ་འཁོར་ལོ་མང་དུ་བྱས་པའི་འོག་ཏུ་དམག་དང་། སྟེང་དུ་རིན་པོ་ཆེ་དང་གོས་དར་གྱི་ཚོགས་བཞག་སྟེ་ཁྲལ་སྐྱེལ་བ་ལྟར་བྱས་ནས་ཕོ་བྲང་གི་ཉེ་ལོགས་སུ་འོངས་ཏེ་དམག་གིས་བསྐོར་བས། རྒྱལ་པོ་གསང་སྒོ་ཞིག་ལ་བྲོས། གྲུ་ཐ་ལ་གྲུས་མང་འབངས་ཐམས་ཅད་ཆབ་འོག་ཏུ་བཅུག་པའི་སྲས་ཀྱེན་འུན། དེའི་སྲས་ཡུང་ལོ་ཏ་མིང་རྒྱལ་པོའི་དུས་གསེར་གྱི་དམ་ཁ་དང་། སླར་ཡང་ཤེལ་གྱི་དམ་ཁ། དབང་གི་འཇའ་ས་གནང་བས་མཚན་དབང་གྲགས་པ་རྒྱལ་མཚན་ཞེས་སྙན་པའི་རྫ་རྔ་སྐབས་གསུམ་པའི་ལམ་དུ་བརྡུངས་པས་འཇིག་རྟེན་གྱི་མེས་པོ་ཚངས་པས་གནམ་རིམ་པ་བཅུ་གསུམ་གྱི་མཐོངས་ནས་རིན་པོ་ཆེའི་བུམ་པ་དྲི་བཟང་གི་ཆུས་གང་བས་སྤྱི་བོ་ནས་དབང་བསྐུར། རྫོང་ཆེན་རྣམས་ཀྱི་རྫོང་སྡོད་སོ་སོ་ལ་མི་བརྒྱུད་དང་བཅས་པར་འཇའ་སའི་ཤེལ་དམ་གནང་། མཆོག་དམན་གྱི་སྐྱེ་རྒུ་མཐའ་དག་གོང་མ་ཆོས་རྒྱལ་ཆེན་པོ་ཞེས་གླེང་ངོ་། །
ཉང་སྟོད་ཤར་ཁ་བ་རྒྱལ་རྩེ་རབ་བརྟན་ཀུན་བཟང་འཕགས་པས་གོང་མ་འདི་གཉིས་ཀྱི་གཟིམས་དཔོན་གྱི་ལས་ཀ་བཟུང་ཞིང་། སྡེ་སྲིད་འདི་ཉིད་ཀྱི་