[A:151]ther sngon po las/ de rjes bdag po kun dga' legs pa dang / che sa sangs rgyas rgyal mtshan bka' bgros mdzad de/ shing pho khyi'i lo zla ba bcu gcig pa'i tshes bcu la chos kyi rje rin po che dpal ngag gi dbang po dgung lo bcu drug bzhes pa zhig rin po che'i gdan seng ge'i khri la bzhugs su gsol zhes gsungs pa ltar/ bar skabs su thel gyi gdan sa stongs na'ang / slar spyan snga ngag gi dbang po 'di nyid bzhugs pa yin la/
'di'i yab/ la la dag tshes lnga rin po che grags pa 'byung gnas yin par 'chad/ 'ga' zhig tshes lnga rin po che sku tshe'i stod smad mtha' dag tu rab tu byung ba yin pas/ ma yin par smra ba yang yod la/ 'di nyid kyis mdzad pa'i phur pa'i 'phrin las rgya mtsho'i mdzad byang du/ jo sras kun bzang rol pa'i rdo rje zhes gsungs pa la dpags na yab yin nam snyam/ gang ltar shes ldan rnams kyis dpyad par bya'o/ / de yang spyan snga ngag gi dbang po gzhon nu nas dpal ye bzang rtse ba sogs yongs 'dzin du ma bsten nas gsung rab la thos bsam bsgom pa mang du mdzad/ bstan pa la zhugs te yongs su rdzogs pa'i dge slong gi sdom pa mnos te gdan sa chen po'i spyan sngar phebs/ bar skabs su gong ma'i gnang bkod la brten nang mtshams su mi mthun pa byung yang / slar rim pas 'jags skabs/ rin spungs don yod rdo rjes gtsang dpung rnams dbus su bcug ste gzhis ka sne'u pa'i lag nas rdzong gzhis 'ga' zhig blangs/ de nas spyan snga rin po che/ rin spungs mtsho skyes pa dang don yod rdo rje gnyis/ 'phyong rgyas pa hor tshe dbang rnam rgyal dang / hor rin cen rgyal mchog sku mched kyis gtsos pa'i sne'u pa dpal 'byor rgyal po/ yar rgyab pa rin cen rgyal po/ byar pa bkra shis dar rgyas sogs blon po rnams kyis gros thog nas pho brang chen por spyir spyan drangs/ mi ring bar zhal ngo gong ma