[A:152]rnams gshegs pas lha rigs rlangs kyi gdung 'dzin pa spyan snga nyid ma gtogs med par brten/ ji ltar grong khyer ser skya'i mi gtsang lud/ / de ni bu ram shing pa'i zhing la phan/ / de bzhin byang chub sems dpa'i nyon mongs lud// de ni sangs rgyas chos rnams bskyed la phan/ / zhes pa'i don ltar/ bod kha ba can 'dir kun mkhyen bu ram shing pa'i bstan pa rin po che dang / skye rgu rnams kyi phan bde ni gnam bskos kyi rgyal po phag mo gru pa'i sde srid la rag lus pas/ gong du smos pa'i blon po rnams kyis gong ma spyan snga rin po cher nan gyis zhus te/ rdzong kha pa'i sras mo zhig bdag mor phul/ yab mes kyi lugs srol bzang po rnams dkar phyogs kyi zla tshes lta bur ches cher gsal bar mdzad/ sras ngag dbang bkra shis grags pa sku bltams nas ring por ma lon par spyan snga zhi bar gshegs khar sras sku ha cang phra bas de la thugs chags pa'i tshul gyis sku ngal ba chen por gyur skabs/ spyan snga chos kyi grags pas gdung brgyud rin po che nar ma son pa'i ring khong rang gis thel gyi spyan snga'i khur bzhes dang / thel rtses thang gi chen po gros dbang pa blon po rnams dang bcas par gnang bkod bka' nan sogs kyis khyab pa'i sde srid kyi lar rgya mi 'phyug pa'i zhal len mdzad/ de yang dpon tshab thel gtong byed par rin spungs mtsho skyes rdo rjes/ blon po gzhan rnams la gros med par 'ga' zhig gi 'dod pa ltar mdzad pas/ sde dpon gzhan rnams ma 'dod pa'i dbang gis sde gzar langs/ 'on kyang 'phyong rgyas nas sde srid kyi lar rgya la dgongs te thugs khog che bar mdzad pas yo 'khyoms cher ma byung / de nas 'jam dbyangs gong mas spyan snga rin po cher dbang gi 'ja' sa gnang yang spyan snga zhing brjes pas gnang sbyin rnams phyag mdzod du bzhag nas gser yig pa phyir log