[A:153]
de rjes rin spungs pa dang 'phyong rgyas pa gnyis kyis gtsos pa'i blon po rnams bka' bgros thog nas gdung brgyud rin po che ngag dbang bkra shis grags pa pho brang chen po'i khri thog tu spyan drangs/ gzhon nu'i dus nyid nas rol rtsed sogs skye bo phal pa dag gis spyod yul las rnam par 'das pas 'jig rten gyi mes po rnams kyis kyang blos 'khyud par dka' zhing / chos dang srid kyi yon tan ma lus cig car du shong ba'i za ma tog lto ba rab tu yangs pa/ chen po'i rnam par thar pa'i kha rgyan gyis mdzes pa'i gzi brjid kyi rgyal po nyin mor byed pa la skyengs pa ster bas rigs stobs su ma zad/ blo stobs kyis kyang bod chen po'i rgyal khams su 'khod pa'i gong ma'i mdun na 'don blo can shel gyi me long lta bu rnams kyang zil gyis gnon pa'i bka' khrims bzang pos bod 'bangs thams cad bde ba nas bde bar spyod pa'i bde skyid kyi glu dbyangs snyan pos dri za'i rgyal po gan dharbha kha ba rir gnas sam snyam du skabs gsum pa rnams la 'phyang mo ster bar byed do/ /
'on kyang 'di nyid kyi dus/ grags 'byung ming can sne yi gdong po 'dzin/ / bdud sprul mi dgus phag tshang yos ltar rngod// ces pa'i lung bstan ltar/ rin spungs ngag dbang rnam rgyal gyis e gnyal gyi phyogs su dmag gi dpung khyer byed pa sogs gong ma'i dgongs par phog pa mdzad par brten/ zhwa dmar ba bzhi pas/ phag mo gru pa'i sde srid 'di/ spyir rgyal khams yongs/ sgos sde dpon rnams/ yang sgos khyed rin spungs pa la gces pas dgongs bsams mdzad dgos tshul gsungs kyang bzhed pa zhig ma byung / de yang lung bstan du grags 'byung zhes pa ni gong ma grags 'byung ba'i skabs dus mi bde ba 'ga' zhig byung bas 'go zin pa la dgongs kyi/ dngos gzhi gong ma 'di'i dus so/ / de skabs 'jam dbyangs gong mas dbang gi mtshan dang 'ja'