[A:154]sa gnang / zhabs drung gong ma chen po dpal ngag gi dbang phyug bkra shis grags pa rgyal mtshan phyogs thams cad las rnam par rgyal ba kwa din gu shri ho wang gi mtshan gyi zlos gar srid pa gsum gyi me long gi ngos su gsal bar shar ro/ / mi ring bar rin spungs pas me tog mda' can gyi las dang tshangs pa mtshungs par spyod pa'i sdig sems kyis sde gzar bslangs pas/ lha ma yin lha'i mnga' thang la phrag dog gi bsam pas g.yul bkye ba na legs bris pa rnams kyi bsod nams kyi mthus lha min mtha' dag ming gi lhag mar 'gyur ba de bzhin du sde srid mtshan jus rgyal/ 'on kyang zhwa dmar chos grags pas bar mdzad nas lo gsum gyi chings bsdams na'ang / rin spungs pas slar sde gzar bslangs te rgyal mkhar rtser bteg skabs/ 'phyong rgyas pa rin cen rgyal mchog gis gtsos gong ma'i dpung chen rnams nyang stod bar du byon/ dga' ldan pa dmag dpon bsod nams rgyal pos skyid 'phan gyi dpung rnams khrid de shangs kyi bar du btegs pas ri la spyi bos brdung ba'i rnam thar 'dzin pa cher rlom gyi dregs ldan gzhis ka rin spungs pa 'bangs gyen log gi rgyu mi zad pa bsags pa'i 'bras bu dus gcig tu smin pas ci bya gtol med du gyur na'ang / rgyal rtse dang pa snams pa'i sa cha bshor ba rnams phyir sprod pa dang / gong sar dgongs bsangs/ rdzong dpon gyi las ka zhu ba/ phyin chad ma rungs pa'i sems 'dor ba sogs kyi dan kha las mtha' med du gtong ba ma mdzad/ de lta na'ang dus kyi bskal pas 'gro ba'i bsod nams mthu dman zhing / nag po'i phyogs kyis yid bsgyur bas bdud kyi las 'grub pa'i 'bras bu'i shugs gang gis kyang dgag dka' bar brten/ rin spungs pa dpon blon gyis sde gzar tshan che bar bslangs kyang / sde srid kyi mtshan jus la skyon ma byung / gong ma 'di nyid kyis bde bar gshegs pa'i gsung gi snying po gser zhun ma'i