[A:155]khu bas bris pa'i bka' 'gyur dang / stong 'khun mdzangs ma'i sor mo'i 'du byed las bskrun pa'i gan gos kha dog sna tshogs las grub pa'i sku brnyan bzheng ba phyogs lhung gi bsam pas ris su mi gcog par/ ston pa bu ram shing pa'i rjes su zhugs pa'i grub pa'i mtha' thams cad la bsnyen bkur dang mgo 'dren/ jo shAka rnam gnyis dang byang chub chen pos thog drangs pa'i gangs khrod kyi sku gsung thugs rten khyad 'phags rnams kun tu bzang po'i mchod pa'i sprin mngon par spro ba dang / rje btsun phyag na padma dbasod nams rgya mtsho dang / dpal 'brug pa'i ring lugs pa padma dkar po rnams ti shrir bsten/ mdor na 'jig rten dang 'jig rten las 'das pa'i dbang phyug mtha' dag 'bad med du 'grub pa'i rgyu dge ba bcu la rdzogs par longs spyod pa dang ldan pa'i me tog gzhon nu gsar du dgod pa'i 'khri shing nam mkha'i mtha' klas par 'khyud pa'i khor yug dang po bde bar gshegs pa'i snying po mchog gi go 'phang srid pa'i rtse mor bsnyeg pa'i them skas su 'dzugs par mdzad/
'di nyid kyi dus rin spungs pa dang dpon blon nang mtshams su sel che bar byung yang / phyi rgya'i blon chen gyi gral du rin spungs ngag dbang rnam rgyal/ sras don grub tshe brtan rdo rje rnam gnyis/ 'phyong rgyas pa hor rin cen rgyal mchog sku mched/ sras hor bsod nams mgon po mched gsum/ de'i sras hor bsod nams dar rgyas rnams rim pa bzhin dang / brag dkar 'jam dpal tshe ring rgyal po/ yar rgyab rin cen bkra shis/ dga' ldan pa bsod nams rgyal po/ bya nor bu bkra shis sogs blon po dang / drung 'khor 'gangs che ba shin tu mang / gong ma 'di nyid la rin spungs kyi sras mo zhig khab tu bzhes par sras gong ma 'gro ba'i mgon po dang / spyan snga grags 'byung ba gnyis las/ gong ma 'gro ba'i mgon po gong dkar du phebs/ dpon sa