[A:180]mang du byung bas bya pa zhes grags la/ yar klungs mthil du rnam smin bskyed pa yi/ / glo bur rgyal po bya mig mas kyis 'gebs/ / zhes pa'i lung bstan du gleng / yul der bya chos kyi ka ba dang / gcung thod pa g.yu'i smin ma can mched gnyis las/ chung ba'i sras mkhan po yon tan mchog dang / bya sha ka gnyis 'khrungs pas/ gcen gyis 'bring sde la rab tu byung / e nas klogs/ byar nas shar mda'/ dwags po nas grom mda'/ gnyal nas srin mo mig rnams bzung / bya sha ka la sras rdo rje legs pa dang rdo rje dbang phyug gnyis byung ba gnyal phyogs su byon/ rgya mtsho grong mkhar btab/ gcung gi sras bla ma bya nag chen po rin cen 'od 'khrungs/ kha che paN chen dang mjal nas spyod rgyud dkyil 'khor bcu gnyis zhus/ gzhan yang rgyal ba thog rdugs pa/ skyo 'od 'byung / 'jad rta mig pa sogs bla ma mang du bsten nas thos bsam sgom pa lhur bzhes mdzad/ khyad par spu gri skor gsum sogs yi dam chos skyong la rtsal du thon pas yang rtse'i gtsug lag khang las kyang gnyan pa'i grags che/ 'di nyid kyis gtsug lag khang brtsigs dus stag spre'u/ sho mong gsum bong tshod shing tu che ba'i cho 'phrul byung bas/ stag dang sho mong gnyis bsad pa'i sob kyang rtse'i mgon khang spyan gzigs khrod du yod skad/ spre'u de gsod thub na dbus gtsang spyi dang khyad par lho rgyud kyi mi bde ba'i rtsa ba zhi ba zhig 'ong rgyu yin kyang / 'gro ba'i las kyi mthus spre'u shor bas phyis su sku rab tu byung / bla ma 'di la byar smad du tshal sgom chos la dga'/ lo rong rab dga' ba chen po/ dwags por ba tsho ras pa/ gtsang du 'u yug pa chen po ste chos kyi bu bzhi/ gnyal du chos grwa grong mkhar/ er se po/ dwags su nags mo shod/ byar na rgya mtsho blug gang ste sde bzhi byung la/ rigs kyi sras bya jo sras/ de'i sras mnga' bdag de la sras dge slong ba/ bya rin cen/ chos rgyal dpal