[A:181]bzang gsum las/ dang po'i sras rin cen dpal/ dbang phyug rin cen/ rin cen bzang po/ dwags po ba bzhi byung / dwags gnyal lo ro rnams su gzhis ka mang du brtsigs/ bya rin cen gyis e gnyal byar dwags lo ro rnams kyi sgo sdud mdzad nas hor dmag bzlog pas kun gyis dpon du bkur/
'di'i sras kun dga' rin cen gyis sa skya'i dpon chen kun dga' bzang po la gtugs/ bya chos rgyal dpal bzang pos 'gro mgon 'phags pa'i drung du byon/ shar pa kun bsod la slob dpon bcol nas rgyud gsum man ngag dang bcas pa sbyangs pa mdzad/ a mi bya nag gi dus la yang rtser mgon khang sogs yod pa'i steng du/ slar gtsug lag khang du grags pa'i mkhar las rgya bskyed/ rgya hor gyi nor sna mang po bsdus nas mdzod nag tu rgyas btab/ rgyal ba'i bka' 'gyur gser las grub pa bzhengs/ chos srid kyis mtho ba'i 'go tshugs/ 'di'i sras kun dga' rgyal mtshan/ mkhan chen spyil pu ba/ mnga' bdag chos seng 'od/ bya thub pa dpal rnams las/ dang pos dpon chen 'od zer seng ge la 'dam du rdzongs zhu bar byon/ rte'u ra'i gya gnyer kyang 'di'i ring la byung / mnga' bdag chos seng 'od 'bri gung gi sku tsha yin par brten/ 'bri gung nas byar dwags kyi dpon du bskos/
de'i sras mkhan chen tshul khrims bzang pos zangs mo che'i mkhan po mdzad/ slar yang rtser khri dpon gyi go sar byon/ de'i sras dkon cog bzang po/ de'i sras bkra shis dpal bzang gis rtses thang du slob gnyer mdzad/ bshad ston bzang po btang / gong ma sde srid grags pa rgyal mtshan gyis bya pa'i khri dpon la bskos/ de'i sras rgyal ba bkra shis/ shAkya dpal mgon/ thub pa rgyal mtshan rnams las/ dang pos sne'u gdong rtser byon/ gong ma sde srid kyi drung 'khor mdzad/ bya pa khri dpon gyi go sar bskos/ sras bya bkra