[A:179]shing rta chen po de nyid kyi gdung brgyud yin la/ kha cig bho Ta zhes smra ba ni mi rigs par saM bha drar 'dod pa mchis na'ang sambho Ta zhes gangs ris bskor ba'i ljongs 'dir legs par sbyar ba lha'i skad smra ba la 'gran pa'i zla thams cad dang bral ba zhu chen gyi lo tsA ba chen po zha lu ba chos skyong bzang pos mdzad pa'i brda sprod pa'i bstan bcos za ma tog tu/ gangs can khrod pa'i bla ma mchog / sambho Ta zhes rab grags pa'i// zhes gsungs pas so/ / chos blon chen po 'di nyid kyi sras ma hA sa twa/ de'i sras ye nag de'i sras nyi ma klong gsal/ de'i sras ber nag can/ de'i sras mon mo/ de'i sras gtso bo lha sras/ 'di rnams dgung lo brgya lhag tsam bzhugs pa sha stag byung / de'i sras bsod nams rgyal po/ de'i sras rgyal po dga'/ de'i sras rta mgrin rgyal mtshan/ de'i sras rdo rje bkra shis/ 'dis dpal ldan sa skyar ti shri kun blo'i zhabs la gtugs/ de nyid kyi hor rgyal po'i drung du brdzangs pas/ du dben shri'i bya las chen po gnang /
de'i sras dpon bzhi 'dzom/ gong ma grags pa rgyal mtshan gyis gzhis ka gong dkar gyi rdzong dpon la bskos/ de'i sras rgyal ba shes rab/ de'i sras dpon chen gral lnga/ 'di nyid kyis sku tshe'i stod la gong ma grags pa 'byung gnas kyis yar rgyab dpon chen dang gong dkar rdzong dpon gyi las ka gnang / 'on kyang sprul pa'i gang zag khyad par du 'phags pa yin pas/ sku tshe'i smad la rab tu byung ste gsang ba sngags kyi chos sde gong dkar rdo rje gdan du grags pa'i ngo mtshar can de btab/ 'di nyid kyi dbon sras nas bzung ste/ sde pa rnam rgyal ba sku mched kyi bar du mnga' thang yar rgyas su gnas so// //
! bya pa khri dpon ni/ yul yar klungs kyi smad/ ma yul ljongs kyi 'dabs su bya'i rgyal po gshog bzang dang 'dab bzang gi rigs las mched pa