[A:188]'jug 'dod kyis tshur rgol gyi sde gzar 'ga' zhig byung ba rnams bka' khrims sgyur ba'i byed po bsod nams rab brtan sogs kyis zhi drag gi sbyor ba du mas bzlog par byas/ khri chen 'di nyid ni rnam dkar dge ba'i las la mchog tu brtson zhing / khyad par gsang sngags zab mo'i rnal 'byor lhur mdzad do/ / de rjes lha ngag gi dbang phyug dga' ldan rab tu brtan pa mi 'gyur rnam par rgyal ba khri thog tu byon te/ phun sum tshogs pa'i mnga' thang 'gog pa med pa'i snang ba rab tu rgyas so/ / smras pa/
mchod sbyin brgya yis 'chi med dbang po'i sar//
skabs gsum rigs kyi bdag por dbang sgyur na//
nor 'dzin chos bzhin skyong ba'i legs byas kyis//
stong gsum kun kyang rang gir byas kyis dogs//
e ma khyod kyi sde bzhi'i nor//
bsod nams gser gyi 'khor lo yis//
drangs pa'i 'dzad med gan mdzod 'di//
re ba skong ba'i dpag bsam dbang //
de yang gnam bskos kyi rgyal po 'jam dbyangs gong ma se chen gan gyi lung gis kha ba'i rdul mang yongs su brtsegs pa'i bod dang bod chen po'i rgyal khams mtha' dag dpal ldan sa skya pa la phul te/ gnam la nyi zla zung gcig sa la mchod yon rnam gnyis zhes grags shing / de nas zla ba'i 'phreng ba bcu