[A:187]'dun rgya mtsho dang mchod yon du 'brel/ rgya ri lcog mkhar du lo gar gtor chen gyi phyag srol btsugs/ lha dgra las pas e chen ri sgo phyogs su phebs pas/ yul du bkra shis pa'i dge mtshan mang du byung bas/ yul mi rnams kyis nas phud khal re phul/ bla'i dpon du gyur te/ ri sge bkra shis chos rdzong du pho brang gi lte ba mdzad/ de nas lha 'jig rten dbang phyug khri thog tu phebs rjes/ lha byams pa rab brtan dang / lha yul 'khor dbang phyug sku mched gnyis byung / 'di'i dus su sprul sku bde chen gling pas/ e yi nang du khrag mtsho lan gsum khol/ / rgyal po byams pa'i ming can bya ba 'byung / / rgyal po de yi bstan pa rgyas pa la zhes sogs kyi don dang mthun par mnga' thang gong du 'phel/ khyad par lha yul 'khor bas lang ka'i grong khyer sa la 'phos pa lta bu'i btsan rdzong 'ol kha stag rtse mnga' 'bangs dang bcas pa rang dbang du mdzad/
de nas lha bsod nams rab brtan sku mched gsum las/ bsod nams rab brtan khri thog tu phebs/ chad dkar rdzong gi nye 'dabs su dge 'dun gyi sde 'dzugs pa sogs rgyal srid chos bzhin du bskyangs/ de rjes/ lha dga' ldan dpal 'bar gyis khrir phebs nas rgyal ba'i bstan pa spyi dang / khyad par chos kyi rgyal po btsong kha pa chen po'i bstan pa la sri zhu bla lhag tu mdzad/ rog pa rtsar mi bsrun pa'i skye bo rang nyams gyi blo'i spyod yul can rnams ming gi lhag mar bcom pas mgo lag khrag gi ral pas sbags pa blangs pa sogs 'jigs pa med pa'i snying stobs kyis rnam par rgyal ba'i dbu rmog btsan po gyon/ de rjes khri thog tu blo bzang mthu stobs chos rgyal byon nas snying rje chen po'i gzhan dbang gis sde 'khrug snyol ba gtso bor mdzad/ 'on kyang las ngan gyi rba klong drag pos bdas pa'i skye bo 'phar 'gro'i rigs can na kra'i mgrin par