[A:190]nye dus su:
bdud sprul dgu dang de blon dgu:
btsan mo phyi nang las byed dgu:
bang 'phrin dbu gtso dmag dpon dgu:
dgu dgu brgyad cu rtsa gcig gis:
'gro kun kha lo thur du 'khrid:
ces pa'i dus rtags thog tu khel te/ rin spungs pa'i blon po zhig gis bsam 'grub rtse'i rdzong dpon gyi thog snar thang pa/ nor khyung pa/ brgya tsho ba sogs lho byang gi dpon rigs mang po dang 'brel btags byas pa'i sde pa rong par 'bangs gyen log gis/ sde gzar lan snga phyi kha yar du byung ba'i mthar je 'phel du song ste/ gtsang stod rgyal po'i lung gis dbus gtsang mtha' dag rim gyis chab 'og tu bcug pa'i mnga' thang gi dpal phun sum tshogs pa dag ji ltar nyi ma'i dkyil 'khor seng ge mo'i bu'i mgrin par chud pa ltar/ mnga' 'bangs mtha' dag cig car du rang gir 'dzin pa'i byed po ni/ rtsod dus kyi 'khor los sgyur ba bstan 'dzin chos kyi rgyal po ste/ 'di nyid ni/ gter ston dri med lhun po'i lung bstan las/ spyir yang mtha' dmag lan bdun mtha' ma la: badzra pA Ni'i sprul pa'i rgyal po zhig: bod khams dar cig bde la sbyor ba 'byung : zhes gsang ba'i bdag po phyag na rdo rje mi'i srid pa'i zlos gar can yin par lung gis zin pas/ byang sems 'phags pa snying rje dang smon lam gyi dbang gis 'gro ba'i don du bsams bzhin chos ldan rgyal por skye ba bzung bas phan bde'i 'od brgya phyogs bcur 'gyed pa ste/ gang zhig tha mal gyi skye bo rang nyams kyis spyod pa'i snang tshul gyi mun pa mtha' dag rgyang du bsrings pa ni gor ma chag la/
de yang byang phyogs hor sog gi rgyal khams na sde chen po grangs med pa yod pa'i ya gyal/ o rod tsho ba bzhir grags pa'i nang tshan/ ho shod kyi dpon po ha na'i la jo mo a ha'i ha thun blangs par sras lnga byung ba'i gsum pa