[A:20]tsha gdung lhag med du bcil ba'i mdun na 'don gnyal nas/ thon mi a nu'i bu sambho Ta bran dang bcas par gser phye bre gang dang gser gyi pa Ta sogs rig byed smra ba'i ston pa yid rang dbang du byed pa'i dngos po dang bcas nas 'phags yul du yi ge slob par bkas gnang ste/ bshul du 'tshe ba dang bral nas bgrod de bram ze le byin la yig rigs sum brgya drug cu rtsa bzhi dang / paNDi ta lha rig pa'i seng ge la sgra pANi byA ka ra Na/ rtogs sla ba rgyal po lugs kyi bstan bcos/ kalA pa/ rtogs dka' ba paNDi ta lugs kyi bstan bcos/ tsandrapa rnams kyi sa ris/ spyan ras gzigs kyi mdo rgyud nyi shu rtsa gcig dang bcas pa bslabs nas/
bdag cag blon po thon mi la//
ma lus gnang ba thugs la btags//
rgya gar yul du phyin pa yin//
mkhas grub khyed dang mjal ba yin//
zhes drin du gzo ba'i gsung bram ze la byon te bod du phebs nas/ rgyal blon gnyis pho brang ma rur lo gsum mtshams bcad de yi ge dang sgra rnams slob pa'i tshul mdzad pas mkhas pa'i dpyid du gyur kyang de'i nang du bod skad la nye bar mkho ba'i sgra dang yig rigs mi 'dug par dgongs nas blon por gsungs pas/ thon mis 'jam dpal dbyangs la gsol ba btab pa'i thugs rje'i char gyis yid kyi zhing sa brlan pa las/ bod kyi yi ge'i gzugs sdeb kyi rnam 'gyur gyi myu gu shar ba'i 'bras bu mngon du gyur tshul ni/ dbyangs bcu drug las i u e o bzhi dang gsal byed sum cu rtsa bzhi la log pa lnga 'thug pa lnga Sha kSha rnams dor ba'i steng du a drangs pa'i rtsa bzhir/ gcig