[A:24]
de yang bka' gdams glegs bam las/ rje dkon cog 'bangs ni bod du 'gro/ / bod glo bur rgyal po chos la spyod/ / bod mtha' 'khob yul rnams 'dul bar byed/ / nga rgya nag yul nas der drangs te/ / mi kho la nyon mongs mi mnga' yang / / nga 'jig rten sgron ma zag med la/ / mi kho bo'i btsun mo byed do skad/ / rgya nag po'i mchod gnas bod du 'dren/ / bod yul gyi dbus su byed do skad/ / ces pa'i lung bstan gyi bdud rtsi'i bum pa lus can 'chi ba med pa'i dga' ston du spyod pa'i dus la babs te/ 'phags pa mchog gi 'phrin las kyi 'jug pa kun gsal gyi mtha' klas par 'char bar byed pa'i thabs su jo mo khro gnyer can gyi sprul pa lha gcig khri btsun bya ba lo bcu drug lon pa/ lang tsho'i zil mngar dar la babs pa'i mtshan bzang can/ zhal nas ha ri tsan dan gyi dri bro ba zhig dang / rgya nag po'i grong khyer na jo mo sgrol ma'i sprul pa lha gcig kong jo bya ba lo bcu drug lon pa/ mtshan dpe'i mdzes sdug rnam par rgyas pa'i dpal yon can/ zhal nas utpa la'i dri bro ba zhig yod pa las/ rgyal pos yi dam gyi lha la gsol ba btab pas/ 'phags pas byin gyis brlabs pa'i sprul pa'i zlos gar bud med kyi srid bzung ba gnyis yod pa btsun mor spyan 'dren dgos pa'i lung bstan gyi sgra nam mkha' las byung ba dang / sprul pa'i rgyal po'i spyan gnyis las 'od zer 'phros pa shar nub tu song ba la/ dri ma med pa'i lha'i spyan gyis gzigs pas/ nub phyogs bal po'i yul gyi grong khyer ya 'bu ya 'gal bya ba na/ bal po'i rgyal po ni sa ma 'bri sho bya ba'i chos srid kyi 'byor pa phun sum tshogs pa'i dbang phyug dam pa la yid du 'ong ba'i sras mo lha gcig rin po che'i dkor mdzod/ rgyal ba nyi ma'i gnyen dgung lo brgyad pa'i sku tshad gyi snang brnyan dang / rgya yul grong khyer bkra shis khri sgo na rgya kong rtse 'phrul chung bya ba/ stobs kyi 'khor los sa