[A:30]gis mdza' gcugs kyis bcings pa'i gnyen 'khor dang mi 'phrad cing / chos dang srid kyi 'byor pa las gzhan du gyur pa'i yul der mi 'gro bar zhus kyang / bod kyi rgyal po'i bla na med pa'i sprul pa'i 'khor los sgyur ba'i rgyal thabs kyi gzi byin rgya rjes ma bzod pa'i dbang gis bka' ma gnang bas/ lha gcig gis bdag kha ba can gyi rgyal khams su 'gro dgos na/ lha shAkya mu ni/ bod lha srin ma rungs pa'i yul sa rgod rdo rgod la sogs pa'i dgra rnams 'dul ba'i gtsug lag gi gab rtse dang 'dod pa 'jo ba'i dngos po zad mi shes pa'i rin po che'i gan mdzod gnang bar zhus pa bzhin brdzangs te/ rgya rje'i zhal nas/
kye ma bu mo bdag la tshur gson dang //
bod ces bya ba kha ba can gyi yul//
yul la khyad du 'phags pa de yin te//
gangs ri rang byung mchod rten ya mtshan can//
lhun gyis grub pa'i gnas mchog dam pa ni//
mtsho bzhi g.yu yi maNDal bkram pa 'dra//
thang bzhi rang bzhin mchod pa bshams pa 'dra//
chu bo bzhi yi mgo bzhi rang bzhin can//
ri mtho sa gtsang gangs ri gnyan gyi ljongs//
bkra shis nyams dga' g.yung drung bris pa 'dra//
rgyal khams gzhan gyi mi rje mi yis ni//
byas pa la ni ngo mtshar che rgyu med//
bod yul mi rje lhas byas ngo mtshar che//
mtha' bzhi'i rgyal po kun gyis legs par bkur//