[A:36]skad kong jo dpon g.yog la springs so//
de nas mgar gyis nad 'di bod kyi lha ma dga' bar 'dug pas lha gsol ba'i chas/ rta mog dro mgo dmar dang / tshwa chu byugs pa'i sha skam sogs sta gon byas nas bod kyi ri mthong sar gyad mi bzhi dang bcas te 'ongs pa dang / mgar gyis gyad mi bzhi la sha skam byin pas skom pa'i nad mi bzod pas gdungs te/ chang gi btung ba mang por longs spyod pas/ ra ro ba'i bar du mgar gyis gyad kyi rta'i sug po bregs/ mtshon cha rnams bcag rta mog dro mgo dmar de zhon nas 'di skad zer ro//
dar zab me la bsregs pa'i thal ba de//
rgyal po nye ring can de'i na bza' mdzod//
snye ma 'bru med thal ba nag po de//
btsun mo ser sna can de'i brgyags phye mdzod//
nags la me rgyab sol ba'i mdung shing de//
rgyal bu lus rtsal can de'i mdung shing mdzod//
lug la mtsher khrag med par bsad pa de//
lha yi drung du sdig bshags smon lam bya//
lus la nad med lam du nyal ba la//
sngas mgor sman pa bos nas ci zhig bya//
kho bo mi sdod rang gi yul du 'gro//
zhes zer nas 'ongs pas/ sgo gdong sgo mo'i rtsar kong jo dpon g.yog gi rjes zin skad do/ / de ltar thabs sna tshogs kyis rgya mo bza' kong jo bod rgyal po'i btsun mor thob pa mthong ngo // smras pa/