[A:37]legs lam mchog gi man shel gsar pa'i gos//
klubs pa'i mi bdag thugs rje'i lcags kyu yis//
rgya bal phun tshogs dngos kun bsdus pa na//
gser mngal can yang 'dud snyam 'phyang mo nyug/
ngal ba med par mkha' dbyings lus phra mas//
bzhin ngos 'khor los sgyur thabs smin ma'i glog/
kun gyi gzigs mor mtshar ba'i 'phreng ba 'dis//
rgyal thabs rdo rje'i gzegs ma 'phros snyam byed//
e ma ri dwags mig can 'bum phrag gi/
byed pos lang tsho'i tshogs kun bsdus pa'i dpyid//
rin cen btsun mor grub pa'i phan bde'i nor//
bod 'bangs yol go'i nang du 'phyur bur gtams//
de nas kong jo 'khor bcas rnams lha sa'i phyogs so sor 'khod pa'i skye bo rnams la sprul pa'i dbang gis mthong snang mi 'dra ba du ma byung yang / don du byang phyogs nas byon te lha gcig rtsis kyi gtsug lag la mkhas pas/ bod srin mo gan rkyal du 'gyel ba'i dbyibs su gzigs/ klu'i pho brang gi steng du jo bo bzhugs na non par mkhyen nas/ de nyid du sku'i phyogs bzhir ka ba btsugs nas/ dar gyi yol bas mtha' bskor te/ jo bo shAkya mu ni la mchod pa'i rol mo dri za'i rgyud mang lta bur dkrol bas/ bal mo bzas ci yin snyam nas pho brang gi rtse nas bltas pas/ kong jo dpon g.yog byon pa mthong nas/ phrag dog ste/ rgyal po dang kong jo mjal ba'i gegs byas par/ blon po