[A:༣༦]སྐད་ཀོང་ཇོ་དཔོན་གཡོག་ལ་སྤྲིངས་སོ༎
དེ་ནས་མགར་གྱིས་ནད་འདི་བོད་ཀྱི་ལྷ་མ་དགའ་བར་འདུག་པས་ལྷ་གསོལ་བའི་ཆས། རྟ་མོག་དྲོ་མགོ་དམར་དང་། ཚྭ་ཆུ་བྱུགས་པའི་ཤ་སྐམ་སོགས་སྟ་གོན་བྱས་ནས་བོད་ཀྱི་རི་མཐོང་སར་གྱད་མི་བཞི་དང་བཅས་ཏེ་འོངས་པ་དང་། མགར་གྱིས་གྱད་མི་བཞི་ལ་ཤ་སྐམ་བྱིན་པས་སྐོམ་པའི་ནད་མི་བཟོད་པས་གདུངས་ཏེ། ཆང་གི་བཏུང་བ་མང་པོར་ལོངས་སྤྱོད་པས། ར་རོ་བའི་བར་དུ་མགར་གྱིས་གྱད་ཀྱི་རྟའི་སུག་པོ་བྲེགས། མཚོན་ཆ་རྣམས་བཅག་རྟ་མོག་དྲོ་མགོ་དམར་དེ་ཞོན་ནས་འདི་སྐད་ཟེར་རོ༎
དར་ཟབ་མེ་ལ་བསྲེགས་པའི་ཐལ་བ་དེ༎
རྒྱལ་པོ་ཉེ་རིང་ཅན་དེའི་ན་བཟའ་མཛོད༎
སྙེ་མ་འབྲུ་མེད་ཐལ་བ་ནག་པོ་དེ༎
བཙུན་མོ་སེར་སྣ་ཅན་དེའི་བརྒྱགས་ཕྱེ་མཛོད༎
ནགས་ལ་མེ་རྒྱབ་སོལ་བའི་མདུང་ཤིང་དེ༎
རྒྱལ་བུ་ལུས་རྩལ་ཅན་དེའི་མདུང་ཤིང་མཛོད༎
ལུག་ལ་མཚེར་ཁྲག་མེད་པར་བསད་པ་དེ༎
ལྷ་ཡི་དྲུང་དུ་སྡིག་བཤགས་སྨོན་ལམ་བྱ༎
ལུས་ལ་ནད་མེད་ལམ་དུ་ཉལ་བ་ལ༎
སྔས་མགོར་སྨན་པ་བོས་ནས་ཅི་ཞིག་བྱ༎
ཁོ་བོ་མི་སྡོད་རང་གི་ཡུལ་དུ་འགྲོ༎
ཞེས་ཟེར་ནས་འོངས་པས། སྒོ་གདོང་སྒོ་མོའི་རྩར་ཀོང་ཇོ་དཔོན་གཡོག་གི་རྗེས་ཟིན་སྐད་དོ། ། དེ་ལྟར་ཐབས་སྣ་ཚོགས་ཀྱིས་རྒྱ་མོ་བཟའ་ཀོང་ཇོ་བོད་རྒྱལ་པོའི་བཙུན་མོར་ཐོབ་པ་མཐོང་ངོ་༎ སྨྲས་པ།