[A:50]rje de dang mchims bza' btsan mo rtog ge'i sras khri lde gtsug brtan mes ag tshoms pho brang ldan mkhar du 'khrungs/ chos rgyal srong btsan sgam pos/ da ste gdung rabs lnga na nga'i dbon sras rgyal po lde zhes bya ba'i ring la dam pa'i chos 'byung ba'i lung bstan zangs kyi byang bu la bris pa brnyed pas/ rang nyid du go ste/ gangs ti se nas paNDi ta sangs rgyas gsang ba dang sangs rgyas zhi ba gnyis gdan drangs kyang ma 'drongs/ 'on kyang pho nya bas theg pa chen po'i mdo sde lnga blo la bzung nas 'ongs pas/ glegs bam lnga po bzhengs te/ bzhugs khang du brag dmar mgrin bzang / brag dmar ke ru/ gsang mkhar brag mchim po sna ral/ ma sa gong gi lha khang dang lnga bzhengs/ rgya yul king shi nas gser 'od dam pa dang 'dul ba las rnam par 'byed pa dang / sman dpyad kyi rigs 'ga' zhig bsgyur/ li yul nas rab tu byung ba spyan drangs nas gus par mdzad kyang bod kyi mis rab tu byung ba ni ma byung / phying ba stag rtse nas nor khyad du 'phags pa g.yu zhig rnyed/ 'jang mo khri btsun khab tu bzhes par sras 'jang tsha lha dbon zhes pa lta bas chog mi shes pa'i mdzes sdug can zhig 'khrungs par bod na de'i gtsun mor 'os pa'i na chung ma rnyed pas/ rgya rje yag 'jam li khri bzher lang ma'i sras mo kong jo bsu ba'i skyes kyi dngos po dang pho nya mngags par legs nyes ston pa'i me long zhig yod par bltas pas yar klungs kyi yul dge bcu'i yon tan yongs su tshang zhing / rgyal bu de lha'i khye'u ltar mdzes pa zhig tu mthong nas byon na'ang / gnyags kyi bu mo ma blangs pa'i 'khon gyis gnyags khri bzang yang 'don gyi rgyal bu bkrongs/ bang so mu ra ri la brtsigs/ dus der kong jos me long la bltas pas/ rgyal bu bzhin mi sdug pa zhig tu mthong ba bzhin bod nas gtam ngan pa skyel mi byung na'ang byon/ jo bo rgyal rabs gsum du mun par bzhugs pa lho sgo me long