[A:55]sang shi bod du sleb nas gsal snang stod du song ba'i go rim mdzad pa 'di 'thad do//
mi ring bar rgyal bu sku nar son te/ mes rnams kyi yig tshang gzigs pas chos mdzad par dgongs pa'i gtam mdzad pas sang shis sngar hwa shang gis lung bstan pa'i dus der go nas glegs bam rnams rdza khrod nas blangs te/ dge ba bcu'i mdo/ rdo gcod/ sa lu ljang pa rnams gzigs su phul bas lta spyod dag cing zung du 'brel bar go nas dad de/ rgya me mgo dang kha che a nantas skad 'gyur byas pas ma zhang sogs kyis bkag chos blon rnams kyi sang shi stod du brdzangs/ gsal snang gis byang chub chen po dang / na lendrar mchod pa byas/ mkhan po rin po che dang mjal te mang yul du spyan drangs/ gsal snang gis btsad po'i drung du 'ongs nas mkhan po'i gsung dang rgyu mtshan rgyal por gsol/ ma zhang gi chad pa byung dogs nas gsal snang yibs su bcug btsad pos lkog tu 'gos rgan sogs chos blon rnams dang dka' bgros nas/ mo rtsis pa sogs lung bstan mkhan po rnams la bya dga' byin te/ rgyal po rgyal srid dang bcas pa la chags chen po bdog pas/ de'i rim gror blon po che ba zhig zla ba gsum gyi bar la dur du 'jug dgos par bsgrag tu bcug ste/ 'gos kyi rkang pa la bya rgod kyi lham gon pa sogs thabs 'phrul du mas ma zhang dang lhan cig par dur nang du phyin nas phyir bros pas ma zhang gis bsnyabs kyang rgod spu snyim pa gang las ma byung / de ma thag dong kha bcad de/ rje blon kun chos byed pa'i chad so byas/
de nas rigs kyis mngon par mtho ba za hor rgyal po'i gdung las 'khrungs shing / ji lta ba dang ji snyed pa'i chos kyi brgyud gnas lnga rig pa'i nyag phran gyis bkug pa'i mkhas pa mtha' dag gi bla na mtho ba rnam par dag