[A:56]pa'i tshul khrims dri ma med pa'i ma la ya'i rlung bzhon gyis sdom brtson gnyis 'thung gi tshogs la dga' mgur spyod pa'i dpal ster ba/ bde stong zung du 'jug pa'i ye shes mngon du mdzad pa'i grags snyan karNi ka'i cod pan phyogs kyi 'gram par 'god pa'i mkhan po rin po che bo dhi sa twa spyan 'dren pa'i pho nyar gsal snang brdzangs pa bzhin rim gyis phebs te/ 'om bu tshal du mjal/ mkhan pos rgyal po la dge ba bcu dang khams bco brgyad la sogs pa'i chos mang po bshad pas/ bod kyi lha srin rnams khros nas dmar po ri'i pho brang la thog brgyab/ lo nyes dang mi phyugs la nad chen po byung bas/ sdig blon rnams kyis 'go byas pa'i bod 'bangs phal cher gyis chos byas pas lan zer nas mi dga' ba byas pas/ btsad pos rgyu mtshan mkhan po'i snyan du gsol pa la/ mkhan pos yab mes kyi ring la gtsug lag khang rten dang brten par bcas pa bzheng ba/ chos bsgyur ba sogs mdzad na'ang / lha srin rnams ma btul bas/ btsan po 'ga' zhig gi sku tshe la bar chad dang / chos la sked nyag sogs skyon 'ga' zhig byung 'dug pas/ sa gzhi 'di dag drag pos 'dul ba'i ched du/ o rgyan gyi slob dpon padma 'byung gnas zhes bya ba 'dzam bu gling na che ba'i rigs sngags mkhan zhig yod pa de/ rgyal po nyid dang sngon mchod rten bya rung kha shor bzheng ba'i dus su smon lam gyis 'brel ba yod pas spyan drangs na/ btsad po'i rnam par dkar ba'i thugs kyi bzhed pa mtha' dag 'grub par lung bstan nas/ mkhan pos bal por byon/ de nas slar btsan pos thabs la mkhas pa'i mdzad pas 'bangs mtha' dag chos bya bar khas blangs/ mkhan pos lung bstan pa de rmi lam du byung ba ltar mdzad nas/ sangs rgyas snang ba mtha' yas kyi ye shes mchog gi zlos gar las sin dhu rgya mtsho'i gling du sku 'khrungs shing 'chi med tshe'i rigs 'dzin dang phyag rgya chen po mchog gi dngos