[A:57]grub brnyes pa/ dus gsum cig car du mkhyen pa'i slob dpon chen po mtsho las skyes pa'i rdo rje spyan 'dren pa'i pho nya snga rting du brdzangs shing / slar sna nam rdo rje bdud 'joms sogs lam du bshad drag pos rin po che'i phyag rten dang bcas te mngags pas pho nya rnams ngal zhing dub pa slob dpon gyis mkhyen nas/ rdzu 'phrul gyis mang yul gung thang du phebs pa na mjal/ slob dpon gyis nyi zla thang la phabs pa/ chu bo gyen la bzlog pa sogs sku'i bkod pa'i rdzu 'phrul mtha' yas pa bstan te pho nya rnams ldog tu med pa'i mos pa brtan po thob/ phyag rten gyi gser rnams mnga' ris phyogs su gtor te/ ma 'ongs par bod du gser gyi 'dod rgu 'byung ba'i rten 'brel mdzad/ de nas rim gyis lam du zhugs te phebs pa na/ bod kyi lha 'dre stobs po che phal che bas go mtshams par/ gsang ba gsum gyi mtha' klas pa'i nus mthus srog gi snying po blangs nas dam la btags/ stod lung gzhong pa mda' ru phebs pa na/ lha bzang klu dpal sogs blon po rnams kyis bsu ba dang mjal nas dro 'debs par chu med pa la slob dpon gyi phyag 'khar btab pas nyal 'gro'i rgyun babs pa/ gzhong pa lha chu grags/ de nas mnga' bdag rgyal po 'khor bcas bsu ba'i bkod pa rgya chen po dang bcas te mjal nas brag dmar mgrin bzang du bzhugs/ slar mkhan po gdan 'dren gyi pho nya ba mngags te phebs/ dus der rje blon gtsug lag khang rtsig pa'i bka' bgros nas 'bangs rnams bsags te/ zhang po rgya'i yul mthong ba'i mkhar zhig rtsig gam/ shel gyi mchod rten shar ri dang mnyam pa zhig rtsig gam/ gtsang po sbubs su 'jug gam/ lha khang bre tshad tsam zhig rtsig gam/ zhes 'dam ka btang bas gzhan rnams blo'i yul las 'das te lha khang rtsig par kha 'cham/ shAkya mu ni mang yul nas gdan drangs te 'phrul snang gtsugs lag khang du bzhugs du bcug/ slob dpon