[A:73]'di'i dus su rgya bod gnyis ma mthun par/ gtum drag rngam brjid dang ldan pa'i dmag gi dpung tshogs chen po rgya nag po'i yul du g.yul bshams te/ tsi na'i rgyal khams du ma bcom zhing / mi dpon dang / dpa' bo stag shar mang du bsad de cham la phab/ de nas rgya'i hwa shang dang bod kyi lo paN rnams kyis bar du bzhugs te tshig gi sbyangs bshad kyis dbon zhang mthun par mdzad/ rgya'i gung gu rme rur rdo ring zhig btsugs te rgya bod kyi sa mtshams su bcad nas phan tshun gnyis kas sa mtshams las phyi rol tu bsgral ba'i dmag gi g.yul bshams pa sogs mi byed pa'i dpang du lha klu gnyan po bzhag ste bro bor ba'i yi ge lha sa/ rgya rje'i pho brang / rme ru gsum gyi rdo ring la bris/ dus der rgya bod gnyis mthun zhing 'brel bzang bar byung bas/ gnam la nyi zla zung gcig dang / sa la btsan po dbon zhang zhes gleng skad do//
de yang btsan po'i thugs su 'gro ba kun la phan pa dang bde ba ma lus par 'byung ba'i sgo dam pa ni lung dang rtogs pa'i bstan pa rin po che la rag las shing / de 'dzin zhing spel bar byed pa dge 'dun la ltos par dgongs te/ dbu skra la dar yug btags pa'i steng la rab tu byung ba rnams bzhugs su 'jug pa dang / dge 'dun mi re la 'bangs mi khyim bdun du bcad de 'bul ba sogs 'phags pa'i yul du byung ba'i chos kyi rgyal po rnams kyi mdzad pa las bla lhag tu gyur pa'i mdzad pa bzang po'i gtam kun gsal gyi mtha' klas par khyab bo//
de nas mes rnams kyi gtsug lag khang la rnyed bkur zhig gsos mdzad cing / gsar du gtsug lag khang 'og thog gsum rdo/ bar thog gsum sa phag steng thog gsum shing las grub pa/ thog re re bzhin bya 'dab/ sgo pha gu dra phyed sogs kyis rnams par mdzes shing / steng gi rgya phub rlung gis bskyod tshe