[A:79]bzung / lde gtsug mgon la sras kho re dang / krong nge gnyis byung ba'i/ gcen gyis rab tu byung ba'i mtshan ye shes 'od du grags/ 'di'i dus bstan pa snga dar nyams te paNDi ta 'byon pa'i srol nub nas yun ring bar song zhing dus der bal po sle ru rtse bya ba'i lo tsA mkhas pa zhig gis paNTi ta phra la ring ba dang / paNDi ta smr-iti gnyis gdan drangs te 'ongs pas/ lo tsA ba shi/ paNDi ta gnyis kyis bod skad mi shes pas yun ring por 'khyams/ smr-i tis rta nag tu lug rdzi mdzad/ 'on kyang ring mo zhig nas mkhas pa 'dra dang phrad pas gnyis kas khams su byon te bshad nyan gyi 'phrin las 'ga' zhig byung / smr-i tis smra sgo mtshon char grags pa'i bstan bcos mdzad do/ / lar ni dus skabs de dag tu yang bod ston gsung rab kyi gnas la blta ba'i mig dang bral ba'i dregs ldan blun po dag la bkur zhing / paNDi ta smr-i ti lta bu'i mkhas pa yang rdzi bo sogs ngan pa'i las 'chol ba 'di dag la dpags kyang / rje btsun sa paN gyis/ tsu ta'i yul du phyin pa na/ / rkang gnyis pa la mir mi rtsi/ / zhes dang / tsan dan gser las rin che ba/ / blun pos sol bar byas zhes grags/ / zhes gsung ba thugs mad par snang ngo/ /
lha bla ma ye shes 'od kyis rgya gar shar phyogs kyi paNTi ta dharma pA la spyan drangs nas 'dul ba'i bshad pa dang lag len rgyas par mdzad/ slob ma pA la rnam gsum byung ba stod 'dul bar grags/ kho re'i sras lha ldes paNDi ta su bhu ti shrI shAnti gdan drangs nas sher phyogs kyi bstan bcos mang du bsgyur/ lo chen rin cen bzang po dbu'i mchod gnas su mdzad cing / lo tsA ba 'di gu ge'i sa'i char snyung waM ratna du zhes bya bar 'khrungs shing / lo gnyis lon pa'i tshe dbyangs gsal gyi sngags gsung zhing sa la ri mo 'bri ba sogs tshe rabs sngon ma rnams su blun po lug lta bu'i skye ba ma yin par mkhas pa paNDi ta rim