[A:80]par brgyud pa'i mdzad pa ngo mtshar ba bstan/ khyad par rgya gar du 'byon pa'i bskul ma/ paNDi ta bsod snyoms pa gcig gis rgya dpe klog ma mkhyen pas thugs phyung nas/ shing gi grib ma la gzims pa'i mnal lam du mkha' 'gro'i rtags ldan gyi bud med cig gis/ srin bu'i kha chus rang lus bcings pa ltar/ / yul la zhen pas bdud kyi rgya ru tshud/ / de 'dra thar par 'dod pa'i mi su dag / byang phyogs kha che'i yul du phyin nas kyang / / rgya gar shar nub chu bzhin myul nas ni/ / dam chos rgya mtsho bod du bsgyur na bde/ / zhes pa'i lung bstan byung bas rkyen byas te/ dka' spyad du mas kha cher byon/ ka la wa ri bya ba'i grong du slebs/ bram ze zhig gis phyag gi ri mo bltas te shis pa brjod/ rkang mgyogs yid bzhin nor bu bsam 'phel bya ba la brten nas grong khyer ta ma la santir byon nas/ paNDi ta shraddhA ka ra warma dang mjal te/ yo ga'i rgyud sgrub thabs rnams gsan cing bsgyur/ paNDi ta gzhan mang po la'ang sgro 'dogs bcad de bod du 'byon par bzhed pa'i tshe/ rmi lam gyi ltas la brten nas pan chen nA ro pa dang / ka ma la gupta/ dzi na mi tra sogs la zab pa dang rgya che ba'i chos dpag tu med pa gsan/ mdor na paNDi ta'i bla ma yang bdun cu rtsa lnga bsten pas gsung rab rgya mtsho chen po'i pha rol tu son cing bstan pa phyi dar la skad gnyis smra ba 'di nyid 'gran zla thams cad dang bral bas/ mkhas pa'i dbang po ye bzang rtse bas kyang bstan pa snga dar las phyi dar sngags kyi bstan pa bod du dar ba yang / lo tsA ba 'di kho na'i bka' drin yin zhes che ba mdzad pa yin no/ /
lha lde la sras 'od lde/ zhi ba 'od/ byang chub 'od dang gsum las/ chung ba dge slong byang chub 'od bya ba/ phyi nang gi chos dang lo tsA la shin tu mkhas pa zhig bzhugs shing / de yang ye shes 'od rang gi gcung la rgyal srid