[A:83]! de nas mi g.yo ba'i snying stobs phul du byung ba'i rgyal ba'i sras kyi spyod pa rlabs po che bskrun pa la bag tsha ba mi mnga' zhing / rnam par dag pa'i tshul khrims yan lag brgyad dang ldan pa'i dal 'gro'i klung gis/ rgyal ba'i bstan pa mkha' lding rgyal mtshan can gyi bgrod byed la sri zhu'i dka' thub kyi brtul zhugs yang dag par bzung / thun mong dang thun mong ma yin pa'i rig pa'i gnas kyi ya lad btsan po gyon zhing / mdzangs pa'i yon tan gyi du kU la'i ba dan dkar po srid pa'i rtse mor g.yo ba'i paN grub dam pa dI paM ka ra shrI dznyA na'i snyan grags/ lha bla ma'i snyan gyi dbang por son pa la brten nas/ nag tsho lo tsA ba rgya gar du chos slob par phyin pa slar rang yul du 'khor ba/ zhabs sen gyi padmo rnam par bskyod pa'i pho nyar/ rin po che gser gyi phyag rten sogs gya nom pa'i dngos po dang bcas brdzangs pa lam du nyes pa'i skyon dang bral nas/ br-i ka ma la shrI lar slebs te/ rgya brtson seng gis mjal ba'i grogs bgyis te/ jo bo'i spyan sngar phyag rten rnams dang bcas/ sngar bstan pa la 'phel 'grib byung tshul/ deng sang bstan pa dar yang sde snod lag len du 'debs par dka' zhing / de dag gi tshul la blang dor gyi gnas ston par jo bo lta bu las gzhan pa'i paNDi tas phan thogs par dka' tshul rnams zhus te/ lo tsA ba re zhig slob gnyer byed pa ltar bsdad/ jo bos yi dam gyi lha dang grub pa'i rnal 'byor ma la dri ba mdzad pas/ spyi sgos mtha' dag tu 'phrin las kyi sgo che zhing / khyad par u pa si ka zhig la brten nas phan thogs 'byung bar lung bstan par brten/ thabs mkhas kyi mdzad pas mnga' ris su byon te/ mtho lding gi gtsug lag khang du bzhugs nas/ lha bla ma sogs las can rnams la zab rgyas kyi chos du ma gsungs shing / bod du chos bab col du spyod pa rnams kyi gnyen por byang chub lam gyi sgron mar grags pa'i bstan bcos khyad