[A:༨༥]བདག་རྐྱེན་མཛད། ཟངས་མཁར་ལོ་ཙཱ་བས་ཚད་མ་རྒྱན་ཡང་དུས་དེར་བསྒྱུར། རྭ་ལོ། གཉན་ལོ། ཁྱུང་པོ་ཆོས་བརྩོན། བཙན་ཁ་བོ་ཆེ། རྔོག་བློ་ལྡན་ཤེས་རབ། མར་ཐུང་དད་པ་ཤེས་རབ་རྣམས་དང་བསྡེབས་ཏེ། དྭགས་པོ་དབང་རྒྱལ་རྣམས་ཀྱི་ཆོས་འཁོར་ལ་བསྙེགས་ཏེ་བྱོན། བཙན་ཁ་བོ་ཆེས་སཛྫ་ན་ལ་བྱམས་ཆོས་བསླབས། རྭ་གཉན་གྱིས་ཆོས་འཁོར་ཐོན་ནས་རྒྱ་གར་དུ་བྱོན། དེ་ནས་མི་རིང་བར་དགེ་བཤེས་བྲག་དཀར་བས་སྐྱིད་ཤོད་ཉང་བྲན་ཕ་བོང་ཁར་དགེ་འདུན་གྱི་སྡེ་བཙུགས་ཏེ་བཤད་སྒྲུབ་ཀྱི་བསྟན་པ་སྤེལ། དེ་དག་དང་དུས་མཚུངས་སུ་བཀའ་གདམས་གཞུང་པ་གླང་ཤར། གདམས་ངག་བ་ལོ། བྱ་ཡུལ། རྒྱ་མ་རིན་ཅེན་སྒང་པ་རྣམས་ཀྱིས་ལྷ་ཆོས་བདུན་ལྡན་གྱི་བརྒྱུད་པའི་བསྟན་པ་སྤེལ། གསང་ཕུར་རྔོག་ལོ་ཡབ་སྲས་ཀྱིས་རིགས་ལམ་ནས་དྲངས་པའི་བཤད་ཉན། པ་ཚབ་ལོ་ཙཱ་བས་དབུ་མའི་གཞུང་། རྒྱ་འདུལ་འཛིན། མཚོ་སྣ་པ་སོགས་ཀྱིས་འདུལ་བའི་སྡེ་སྣོད། གཉལ་ཞིག་ཡབ་སྲས་ཀྱིས་ཕར་ཚད། རྔོག་ཨཱརཡ་དེ་ཝས་འདུལ་བ་འགོས་ལུགས། བྱ་སྒང་པ་བསོད་ནམས་རིན་ཅེན་གྱིས་འདུས་པ་མར་ལུགས། བླ་མ་རྔོག་པ་ཡབ་སྲས་ཀྱིས་མར་ལུགས་གུར་བརྟག་སམ་གསུམ། ཟུར་ཆུང་པ་དང་རྗེ་སྒྲོ་ཕུག་པ་སོགས་ཀྱིས་ལུང་ཀི་མདོ་བདུན། སྒྱུ་འཕྲུལ་སྡེ་བརྒྱད། སེམས་སྡེ་ཉི་ཤུའི་སྐོར། རྭ་ཆོས་རབ། རོང་བ་རྒ་ལོ། དཔྱལ་ལོ། གླ་བ་ལོ་ཙཱ་བ། འབྲོ་ལོ་ཙཱ་བ་སོགས་ཀྱིས་གཤེད་སྐོར་དང་དུས་འཁོར། ས་སྐྱ་པ་དཀར་པོ་རྣམ་གསུམ་སློབ་བརྒྱུད་དང་བཅས་པས་འབྲོག་མི་ལུགས་ཀྱི་གསུང་ངག་གུར་བརྟག་སམ་གསུམ། བདེ་མཆོག་སྐོར། རྗེ་བཙུན་མི་ལ། སྒམ་པོ་པ། འབྲུག་པ། ཁྲོ་ཕུ། འབྲི་སྟག་སོགས་ཀྱིས་ཕྱག་རྒྱ་ཆེན་པོ་དང་ཆོས་དྲུག་གི་སྐོར། པཎ་ཆེན་ཤཱཀྱ་ཤྲཱི་སོགས་ཀྱིས་མདོ་སྔགས་གཉིས་ཀའི་རིག་ལམ་སྤེལ་བར་མཛད་པས། དུས་ཚོད་དེར། སྟོབས་བཅུ་མངའ་བ་ཟས་གཙང་སྲས་པོའི་ལུང་དང་རྟོགས་པའི་བསྟན་པ་རིན་པོ་ཆེ་དཀར་ཕྱོགས་ཀྱི་རྫོགས་པ་གསུམ་པའི་ཆུ་ཤེལ་