[A:91]gal che bar 'dug pas/ sa skya paNDi ta spyan 'dren pa'i bka' mchid dang / chos rje sa skya par chab shog dang bcas pho nya phyir son pa bzhin/ rgya sman gyis sa skyar phyin te lung bsgrags pas/ rje sa paN yang / rje btsun grags pa'i zhal chems su/ khyod kyi tshe mjug la zhwa khra 'phur ba 'dra ba/ lham phag gi sna 'dra ba gyon pa/ yul skad rigs mi gcig pa'i rgyal khams nas gdan 'dren pa 'byung bas/ dkon cog gsum gyi sgra mi grag pa'i sar/ rgyal ba'i bstan pa rin po che dar rgyas 'ong bas the tshom med par song zhig pa'i bka' dran te zhal gyis bzhes pa yin no/ /
de yang rje btsun chen po 'di nyid kyi rigs ni/ gnam nas lce ring g.yu ring / g.yu bse mched gsum las/ chung bas mi rje mdzad de/ g.yu bse byi la spun bzhi byung ba/ 'dong gi rus chen bco brgyad dang 'khrugs pas gnam la g.yu ring gi rogs mdzad de btul nas bran du bkol/ g.yu ring gi rmu'i bu mo dmu sa ldem khab tu bzhes par sras ma sangs spun bdun byung ba'i che ba drug dang yab lha yul du byon/ chung ba'i sras thog tsha dpa' bo stag byung bar mon bza' mtsho mo rgyal khab tu bsus pa la sras g.ya' spang skyes 'khrungs/ srin po skya rengs khrag med bsad / g.ya' grum bsil ma phrogs te khab tu bzhes par sras shig byung ba de srin po dang 'khon pa'i bar du skyes pas ming 'khon par skyes su btags pa la 'khon gyi gdung brgyud ces pa'i don de ltar yin zhing / chos rje dkon cog lhun grub pas/ de ltar 'chi med 'od gsal lha yi rigs/ / ma rig las 'khon 'jam dbyangs sprul pa'i sku/ / sa skya pa zhes grags pa gsal ldan pa/ / zhes gsungs pa yang gzur gnas kyis bltas na rang bzhin brjod pa'i rgyan du mchis so/ / 'khon par skyes kyis jo mo btsan mo bza' lce sman gnyis la sras dpal po che 'khrungs pa/ yab kyis