[A:92]yul gang bzang ltar btang bas/ la stod gnyan se thar gyi ya tshangs la yul gyi dge mtshan brgyad mthong ste bzung / mnga' bdag khri srong lde btsan gyi mdun na 'don du gyur te/ rlangs lo tsA ba'i bu mo lha sa khrim bu khab tu bzhes par sras khren mdzes/ lha legs/ tshe la dbang phyug 'khon klu'i dbang po/ tshe 'dzin rnams las klu'i dbang pos mkhan po rin po che bo dhi sa twa'i drung du rab tu byung zhing / slob dpon chen po'i byin rlabs kyi bdud rtsi snying la zhugs/ gcung gi sras rdo rje rin cen slob dpon chen pos rdo rje theg pa'i dkyil 'khor du smin par mdzad/ grub pa'i dbang phyug chen po de la sras drug byon pa'i lnga pa yan gyi rus tsho mang du gyes shing / drug pa shes rab yob tan grom par byon pa la sras gnyis byung ba'i chung ba byang du chad par 'khon tsho stod smad du gyes/ che ba yon tan 'byung gnas la sras gsum byung ba'i bar pa tshul khrims rgyal po/ de la sras gsum byung ba'i che ba rdo rje gtsug tor shes rab/ de la sras bdun byung ba'i chung ba dge skyabs/ de'i sras dge mthong / 'dis shab tu bzhugs shing / sras bal po zhes pa 'khrungs pa tsha mo rong gi brag la sgrub pa mdzad pas yab mes kyi yi dam gyi lha rdo rje phur pa zhal gzigs/ de'i sras shAkya blo gros kyis g.ya' lung 'jag gshongs btab/ de'i sras gnyis las/ gcen 'khon rog shes rab tshul khrims/ 'di yan la yi dam gyi lha'i zhal gzigs shing / mchog thun gyi dngos grub thob pa'i rdo rje 'dzin pa brgyud mar byon pa yin no//
gcung 'khon dkon cog rgyal po/ sngags gsar ma'i lo tsA ba bla chen 'brog mi/ ba ri lo tsA ba/ rmang lo tsA ba/ pu rang lo tsA ba/ gnam kha'u ba sku mched sogs bla ma dam pa du ma'i zhabs kyi padmo spyi bo'i gtsug tu bsten cing / gsung gi bdud rtsis myos par mdzad de/ gra bo lung par dgon pa