[A:98]gnas kyi gtso bo bcol na sa skya'i gdung brgyud rnams la gnod pas rdzu 'phrul ston par zhus pas/ rgyal blon gyi dbus su bla mas ral gris dbu dang phyag zhabs rnams so sor phral te/ rgyal ba rigs lngar byin gyis brlabs te bstan pa sogs sprul pa ngo mtshar ba du ma 'dren byed kyi dga' ston du stsal/ de nas slar gdan sa dpal ldan sa skyar phebs te/ dge 'dun 'bum du nye ba la bsnyen bkur phun sum tshogs pa'i dus ston khyad par can chu mig chos 'khor du grags pa mdzad/ dus der kun dga' bzang po dpon chen du yod pa bla ma'i thugs dang 'gal ba 'ga' byas zhes nye gnas kyis gong ma se chen la phra ma zhus pas/ hor dmag gis bya rog rdzong phab/ dpon chen bsad / bya rog rdzong du dmag gi khrims rnga brdung / / snying med po tsho gser phye chu la 'bo/ / zhes pa'i lung bstan dus thog tu babs/ de'i sngon ma'i lo nang du bla ma 'phags pa lha khang bla brang du zhi bar gshegs/ 'ga' zhig nye gnas kyis hor dmag drangs pa bla mas mkhyen dogs nas lkog tu bkrongs kyang zer/ 'di dag gi dus dpon chen 'ga' zhig gi byed pa la brten bod du mi bde ba du ma byung bas/ sna thag sas byas hor dmag bod du yong / / ngan song zer yang de 'dra'i sdug bsngal med/ / ces pa'i lung bstan gyi dus skabs yin no//
'gro mgon gyi gcung phyag na chos rje'i phyag phyir gong ma'i gam du byon/ bod kyi dpon du bskos shing hor chas byed du bcug zangs tsha'i jo mo shab kyi jo 'grom la slob dpon rin cen rgyal mtshan dang / lcam 'do le gnyis byung ba'i gcen gyis rgyud lung man ngag du ma mkhyen cing / 'phags pa rin po che bod du byon pa'i shul du gdan sa mdzad/ spyir bal po nas mdo khams yan gyi rgyal ba'i bka' 'gyur ro cog dge 'dun rnams kyis klog pa'i bsnyen bkur dang / rgya bal mtshams na bzhugs pa'i 'phags pa 'ja' ma li'i gong ma