[A:384]sogs pa rim gnyis kyis dgongs mo'i bar dus 'da' la/ dgongs thun la kye'i rdo rje'i mngon rtogs zhu 'bul nas brtsams te bsngo ba smon lam la sogs pa'i bar tshogs kyi 'khor lo rgyas pa bzhin lam dus kyi dbang rgyas par len pa dang bcas pa rtag tu mdzad do/ /mchod pa grol nas yan lag bdun pa rgyas pa dang / lus sbyong la sogs pa dang / ting nge 'dzin zab mo bsgom pa la sogs pas nam phyed yol gyi bar dus 'da' bar mdzad de/ mdor na dgung lo bcu dgu pa nas/ sku tshe gang po la nyin zhag phrugs gcig la thugs dam ma g.yel ba dang / dus don med du 'da' ba skad cig kyang mi snang ngo / /lo lnga'i gong nas kyang / drung na yod pa 'ga' re la/ lo bzhi lnga nga'i rtsa ru sdod/ de nas gang bde byas pas chog pa 'dug gi gsungs pa dang / lkog gyur lung ston pa la sogs pa'i mngon par shes pa mnga' ba yang mang du mthong ngo / /gzhan don ji ltar mdzad pa'i tshul ni/ dus phyis na bza' brag phug gi gdan sa byed dgos gsungs na yang / thugs kyis ma longs pas thabs kyis 'dzur ba la/ tsha mo rong na bzhugs kyin yod pa las/ chos rje brag phug pa bsnyung gin yod pas shog gsungs pa'i gsung shog cig byung nas/ bang chen pa la dris nas bla ma mnga' ris pa bya ba'i bu chen gdan sa pa'i 'os cig yod pa yang grongs zer bas/ khong ma grongs na ma phyin kyang chog pa la da mi 'gro ka med yin/ chos rje rang bde bar gshegs sam dgongs nas byon pas chos rje bde bar gshegs 'dug /dge 'dun byings kyis bsu ba byed pa/ mang ja bskol ba dus gcig byas phebs ma khad khri thog tu bzhag /chos rje pa'i zhal da gsung shog thams cad khyed la bzhag pa yin no zer/ thams cad kyis gdan sar zhu 'bul byas te/ dang po gdan sa la bzur yang stabs ma byung bas/ chos rje ba'i gshegs brdzangs rgya chen po/ nang rten phyi rten bzhengs dkar